zazaki.net
20 Tebaxe 2017 Yewşeme
Girdîya Karakteran : 12 Punto 14 Punto 16 Punto 18 Punto
15 Nîsane 2010 Panşeme 10:39

Google de Gêreyîşo Asan

Amadekar: M. Dogan

Xebitnayoxanê Înternetî yê dinya ra teqrîben se ra 80 motorê cigêrayîşê Googleyî seba dîyayîşê enformasyon, resim, vîdeo, dosya yan çîyanê bînan gurenenê. Labelê zafine hewna bi zehmetîye yan giran gêrenê. Çunke Google de seba asanêr û rehet cigêrayîşî tayê kilmnuşteyî estê, înan ra bi îngilizkî vanê “Google Hacks”. Cêr ra nînan ra nimûneyê tewr muhîmî rêz benê.

 

Seba cigêrayîşê basîtî

Verê verkan tayê melumatî:

Merdim ke warê cigêrayîşî de çekuyêk yan di çekuyan binuso, nê çekuyî otomatîk bi kilmnuşteyê algorîtmîkî AND (îngilizkî: û) pêra girêdîyene, yanî hewce nêkeno ke merdim reyna binuso. Girs- û kilmnuştiş kî seba cigêrayîşî muhîm nîyê, Google her çî eynî gêreno.

Aye ra nê di qeydî eynî yê:

Kurdîstan AND KIRMANCKÎ AND kUrMaNcÎ

kurdîstan kirmanckî kurmancî

Aye ra zî wet Google zafê îşaretan sey “http://”, “.com” yan tayê hûmaran nêhesibneno. 

 

OR

Eke merdim emîn nîyo yan wazeno weçîno, şêno mîyanê di çekuyan de kilmnuşteyê OR (îngilizkî: yan) rono. Bi no tewr Google kelîmeyan yewe bi yewe cîya gêreno. Yanî eke

kurdîstan OR kirmanckî OR kurmancî                            

binusîyo, sey netîceyê cigêrayîşî tena keyepelê bi “kurdîstan”, “kirmanckî” yan “kurmancî” yenê dîyene. Google kî operatoranê cîya-cîyayan xebitneno, yanî merdim şêno bi parentezan çekuyan mîyanê grûban de bivirazo. 

Mesela:

kurdîstan (kirmanckî OR kurmancî)

yan zî

kurdîstan (kirmanckî | kurmancî)                        

Nimûneyo corên de çekuya “kurdîstan”î bi çekuya “kirmanckî” ra û nînan ra cîya kî çekuya “kurdîstan”î bi çekuya “kurmancî” ra yena dîyene.

 

“”

Google her çekuye bi xo gêreno, aye ra sira zî muhîm nîya. Eke Merdim biwazo çekuyan sey siraya nuştişê xo bivîno, ganî winî binusîyo:

“Grûba Xebate ya Vateyî”

yan zî

“Munzur Çem”                            

Wina keyepelê ke çekuyê “munzur” û “çem” tede têpey û têreyra nusîyayê, yenê dîyene.

 

*

Eke merdim yew çekuye nêzano yan kî wazeno yew çekuye ra varyanantê cîya-cîyayan bivîno, şêno herinda a çekuya nêzanîyaya de îşaretê estareyêk (*) bixebitno.

Sey nimûne:

* Vateyî                            

Bi no tewr sey netîce “Grûba Xebate ya Vateyî”, “Kovara Vateyî”, “Weşanxaneyê Vateyî”, “Fîhrîstê Vateyî” ûêb. yenê dîyene.

Not: Merdim ke çekuye ver a wazeno îşaret bigêro, şêno herinda estareyêk de nuqte (.) padusno.

 

+

Google her çekuye goreyê nuştişê basîtî gêreno. Yanî eke merdim kirmanckî yan kirmancki yan kîrmancki nuseno, ferq nêkeno. Seba cigêrayîşê goreyê tarzê nuştişî, îşaretê komkerdişî (+) çekuye ver de yeno ronayene.

Çekuya

Kirmancki                            

û

+kirmanckî                            

netîceyanê cîya-cîyayan musnenê ra xebitnayoxî.

 

-

Zafane yew qeydî reyde çekuyê bînî yenê dîyene ke merdim nêwazeno înan zî bigêro. Mavajîme, merdim wazeno çekuya kirmanckî ra bigêro, la netîceyan mîyan de çekuya zazakî mebo. O wext ganî nîşanê kêmekî (-) verê çekuye de binusîyo, o îşaret yeno ra manaya “bê-”.

kirmancki –zazaki                            

 

~

Eke merdim çekuyanê hemmaneyan gêreno, nîşanê tekerrurî (~) ver de nano ro. No fonksîyon heme ziwanan de nêbeno. Nimûne seba îngilizkî “car” (erebe, tomofîl).

~car                              

 

Seba cigêrayîşê taybetî

intitle:

Wina Google tena sernuşteyê keyepelî de gêreno. Hertim mecbur o ke çekuye bê warêko talkerde kilmnuşte ra dima bêro.

intitle:“nêweşîya”

intitle:“nêweşîya maseyan”                            

Nimûneyo dîyin de tena keyepelê ke sernuşteyê xo de “nêweşîya maseyan” nusîyêno, yenê gêrayene. Labelê eke merdim sey

intitle:“nêweşîya” maseyan                      

Binuso, çekuya “nêweşîya” sernuşte de û çekuya “maseyan” zî muhtewaya nuşteyî de yena dîyene.

 

allintitle:

Sey “intitle” yo, Google tîya tena têde çekuyan sernuşte de gêreno. Tewsîye beno ke no kilmnuşte tena bêro xebitnayene. Mavajîme:

intitle:nêweşîya maseyan                            

Wina her di çekuyî sernuşteyan de yenê dîyene.

 

inurl:

Bi no kilmnuşte Google çekuyan tena adresa keyepelî, yanî URL de gêreno. No ûsul “intitle” rê analog o. Sey nimûne biceribnê:

inurl:“rosan lezgin”                            

 

allinurl:

Wina Google reyna pêro çekuyan tena adresa keyepelî, yanî URL de gêreno. No ûsul “allintitle” rê analog o. Tewsîye beno ke no kilmnuşte tena bêro xebtinayene. Sey nimûne biceribnê:

allinurl:rosan lezgin                       

 

intext:

Merdim ke wazeno tena muhtewa de, la sernuşte, lînk û URLê keypelî de mewazo bigêro, kilmnuşteyê “intext” xebitneno.

intext:malmisanij

intext:“mehemed malmisanij”                       

 

allintext:

Sey “intext” o, wa pêro çekuyan muhtewa de yenê dîyene, yanî “” kî lazim nîyê.

allintext:mehemed malmisanij                            

 

inanchor:

Bi kilmnuşteyê inanchor Google zereyê keyepelan de lînkan gêreno. Ganî merdim adresa keyepelêk binuso. Mavajîme, eke binusîyo:

 inanchor:http://www.zazaki.net                           

sey netîceyî pêro lînkê ke keyepelî ser o ameyê viraştene, yenê (Zazaki.NET Keyepelê Arşîvkerdiş, Seveknayîş û Geşkerdişê Kirmanckî (Kirdkî, Zazakî, Dimilkî) yo: Xeberî, Meqaleyî, Hîkayeyî, Şîîrî, Fiqrayî, Sanikî, ...).

 

site:

Bi klimnuşteyê “site:” Google tena yew keyepel de yan zî domaînê keyepelî (adresa welatî yan yê taybetî peyê nuqte de) de gêreno. Mesela:

site:www.zazaki.net

site:zazaki.net

site:.net                            

Nimûneyo peyên de pêro keyepelê ke bi domaînê “.net” qedîyênê, înan tede netîceyî yenê dîyene.

Eke merdim biwazo çekuya “ziwan” tena keyepelê Zazakî.net de bigêro, ganî wina binuso:

site:zazaki.net  ziwan                           

 

link:

Merdim ke kilmnuşteyê “link” ra dima adresa keyepelêk nuseno, pêro lînkî ke nê keyepelî ser o estê, vîneno. Labelê kilmnuşteyê “link”î zaf qetî û eşkera nêxebitîyêno.

link:zazaki.net                            

 

define:

Eke çekuyêk ver de “define:” binusîyo, Google otomatîk tarîfê ê qeydî, mavajîme ensîklopedîya Wîkîpedîya ra, dano. No fonksyon bi heme ziwanan nêbeno.

define:kurdistan                         

 

cache:

Pê naye Google vîro verî yê keyepelî (bi îngilizkî “cache”) de gêreno, yanî versîyono kan ê keyepelî musneno.

 cache:zazaki.net                           

 

filetype:

Merdim ke wazeno tena yew tewirê dosyayan, mavajîme sirf PDF yan .doc bigêro, şêno kilmnuşteyê “filetype:” bişuxulno.

filetype:PDF  nameyê dewanê gimgimî

filetype:doc  kurdîstan 

Sey nimûne, eke pêro PDFê zazakî.net bêrê musnayene:

filetype:PDF site:zazaki.net                            

 

related:

No kilmnuşte keyepelê ke manenê ro yewbînî, musneno. Eke merdim

related:google.com                         

nuseno, motorê cigêrayîşî yê bînî yenê dîyene.

 

info:

Keyepelêk ser o melumatan dano. Mesala:

  info:zazaki.net                          

Netîceyê eyaran (tercumekerdeyî):

Google seba adresanê cigêrayeyan şêno nê melumatan bido:

  • Vîrê verî yê Google seba zazaki.net bimusne
  • Keyepelê ke manenê ro zazaki.net, bivîne
  • Keyepelê ke bi zazaki.net ra girêdaye yê, bivîne
  • Keyepelê zazaki.net de keyepelan bivîne
  • Keyepelê ke tede termê "zazaki.net" esto, bivîne                            

Dewamê nuşteyî biwane>>>

Na xebere 1901 rey wanîyaya
No nuşte hema şîrove nêbîyo.