zazaki.net
15 Kanûne 2018 Şeme
Girdîya Karakteran : 12 Punto 14 Punto 16 Punto 18 Punto
28 Teşrîne 2018 Çarşeme 13:40

Hûmara 16. yê Şewçila Vejîya

Ena hûmara Şewçila de 4 nuşteyê derheqê huner û edebîyatî de, 3 hebê înan tercume 9 hîkayeyî û yewê ci tercume 6 şiîrî estê...

Hûmara 16. ya kovara edebî hunerî Şewçila vejîya.

Şewçila-16 de yew nuşteyo muhîm yê edîb û roşinbîro spanyol Juan Gotisoloyî (1931-2017) esto, “wendiş û newe ra-wendiş”ê metnanê edebî ser o nuşto. Murad Canşadî derheqê orîjînalîya Mem û Zîna Ehmedî Xanî ser o nuşto û sey esero pêarde têkilîya Mem û Zîne û destanê Memê Alan munaqeşe kerdo. Bîlal Zîlanî heyat û şiîranê Mela Mehmedê Nêribî ser o nuşto. Nûrî Keleşî zî “Sanikê Hezar û Yew Şewe” de rêça kurdan teqîb kerda.

Ekolê realîzmê efsûnî (fr. réalisme magique, tr. büyülü gerçekçilik) yê edebîyatê Amerîkaya Latîne ra di hîkayeyê Jorge Luis Borgesî (1899-1968) “Xincere” û Hîkayeya Rosendo Juarezî” û edebîyatê arminîyan ra zî yew hîkayeya Hagop Mintzurî (1886-1978) “Herê Mela Umerî” ena hûmare de estê.

Edebîyata ma ra zî Huseyîn Karakaşî ra hîkayeya “Verê Lojine de”, Roşan Lezgînî ra “Hîkayeya Dengbêjêkê Kurdî: Zeryab”, Îsmet Borî ra “Cuya Bimana û Bêmana” û “Areqê çareyî”, Îdrîs Yazarî ra “Hîkayeya Arîya” û Huseyîn Çakanî ra “Herre rê Mektûb” ena hûmare de estê.

Şiîrê ena hûmare zî Mela Mehmedê Nêribî ra “Beytay Eşqî”, Havîn Acar ra “Welat ra Dûrî”, Dilo Bargiranî ra “Birênî”, Canê Dilo ra “Nalayişê Ruhê Bêkesî”, Çilkanî Ulyanî ra “Welat ho Paweyê Ma” û Sîyamend Mîrvanî ra “Rîşa Qewmê Ma”.

Na xebere 687 rey wanîyaya
No nuşte hema şîrove nêbîyo.