Wesîya Ap Husî

Wesîya Ap Husî

Ap Husê Keyê Hesan nêweşo giran bi. Tayê merdimê ey û dewijî amebîy verê ey, oda de ronişte bîy. Dewijan ra yewî va:

- Ap Hus, emrê to êdî şîyo, merdim nêzano senî beno, wesîya xo bike.

Ap Husî dest pêkerd, qala verêne de va:

- Eke ez merda, wa Elo birayê mi nîyero şînê mi.

Dewijan verê xo şana bi ey, ci rê lavey kerd. Heyran kerd, qurban kerd la tu havile nêkerd. Ap Hus yew rey hêrs bi. Qîra, va:

- Ase mi ra veradaya bo, eke El bîyero şînê mi, willay ez ey serê endelî ra erzena war!