Werdê Serê Tube

Seba kênaya Ap Husê Keyê Hesan sûka Dîyarbekirî ra xwazgînî amebîy.

Vatê, apartman de dayreyê ma esto, dikanê ma esto. Şaristan de sey dewan karo giran çin o. Awe ha zere de. Kuçik-muçike çin a, serê tube de werd pewjîyêno. Kênaya şima do rehetîye bivîno.

Înan kerd-nêkerd, Ap Husî va, ez kênaya xo nêdana.

Badê ke xwazgînî weriştîy şîy, şarê keyeyî kewtîy ra Ap Husî, va, to çira nêda? Ap Husî va:

- Vanê, ma serê tube de werd pewjenê. Fatika ma ya rebene emrê xo de tube nêdîya. Eke nêzano tube tafîno, serê tube de werd bipewjo, do pê ma henekê xo bikerê!