Think Strategic Laco

Destanê xwu bi cayek meke!

Xwura ez do reyêk-di reyî bi sabûn bişuwî, amenna. Labelê gereka ez baş hesab bikerî ke reya hîrêyine lazim nêbo! Nika ez senî bikerî, senî senî senî...

Siparîş temam. Keyber bi a, kilîta xwu bierze cêba xwu! Poşetan dîrekt bibere balkone. Keyberê balkone bi linga xwu akere şampîyon! Wina biceribne! Reyêka bîne! A temam... Poşetî mitbaxe ra bi silametî vîyarnayî.

Firingî, xiyar, dendikê kuyan, piyaz, kartolî... Gereka des deqayan de damacanaya awe zî bireso tiya. Ganî xiyar û firingî dekewê dolabe. Keyberê ci bi linga xwu!... Eferim to rê! Hah! Dendikî? Fekê poşetê înan akere, wa hazir bo. Stratejîya xwu kontrol bikere: piyaz û kartolî balkone de bimanê zî çiyêk nêbeno. Pereyê awe cuzdan de yê, la mi market de destê xwu sawit ci ra, cuzdan vîrûsin o. Çi mend? Awe yena! Hela ez destê xwu bişuwî...

...

Nika ez se bikerî? Seba dendikan tupperek aaaakkk... Dîîîînnggg doooonnnggg! A ame! Nika destê mi temîz ê, ez senî bikerî? Damacanaya veng biyare verê keyberî, keyberê xwu ake. Heta nika destê to pak bî. Merheba, destweş, ez pereyan biyarî. Çaket, cuzdan... Aauuuwww! Destê mi bi vîrûsin! Kerem bikere, oxirê xêrî bo... Nika dest vîrusin, damacana vîrusin, cuzdan vîrusin, çaket vîrusin...

Hmmmm....

Ez senî bikerî?