Şeş Aşmî Yan New Aşmî?

Rojêk vistowre û vêve dewarî benî ko, çere.

Vêve hama vêvika newa ya aşma aye qedîya-nêqedîyaya.

Dewarî benî mîyanî geme, verê dewarî verdenî yew kendal û her di pîya yew verroj de ronişenî nêdarê dewarî kenî. Vêvike vana:

- Dato, ez to rê yew çî bipersî?

Vistore vano:

- Vaci kênay mi.

Vêvike vana:

- Ez pêhesîyayo vanî dewa şima ha verroj de, zaf germin a. O semed ra tîya de qicî şeş aşman de benî (cinî şeş aşman de xelisîyena, qic ona).

Vistowre dekewno şik, vano:

- Willay tuta mi qico verên gereka new aşmê xo tamam bibî. Ê bînî şeş aşmî zî benî. Ama o verên new ra cêr nêbeno.