Rengê Komirî

Birayê min û cinîya birayê mi hîna newe zewijîyabîy. Verê zevijîyayîşî vêva mi û kekê mi dewe de ciwîyabîy. Qandê coy zî cuya şarîstanî ra tikêk bêxeber bîy.

Rojê maya mi qandê hal-xatir perskerdişî cinîya birayê mi rê telofon akena. Maya persena, vana:

- Keyna mi şima senîn î, ti baş a înşala?

Vêva ma vana:

- E dayê, ma baş î, şima senîn î?

Maya mi vana:

- Homa razî bo keyna mi, ma zî baş î. Keyna mi ma xo rê komir herînayo, şima zî herînayo?

Vêva ma vana:

- E dayê, ma zî herînayo.

Maya mi vana:

- Êyla komirê şima çi reng o? (Tîya de reng ra qestê maya mi rengê tewreyî (çuwal) yo. Xora ma het rengê tewreyê komirî yan kewe yo yan zî zerd o. Tewre ra qelîteyê komirî tesbît kenî.)

Vêva ma fehm nêkena. Vana:

- Nê nê dayê, rengê komirê ma sîya yo sîya!