Qala Ap Husî

Dewe de, heta ke dewanê derûdorî de, kam bimerdêne, Ap Husî vatêne "Mi nî.. di to, ti zî şî!"

Kar û halê Ap Husî bi no qayde bi. Zafê merdiman ci ra vatêne, "Ap Hus, willay to ver ma nêaftarenê xo rê bi zerrîyêka rehete bimirin zî…"

Axir rojêk xebere vila bîye ke Ap Hus nêweşê mergî yo, ha cile de kewte.

Çend dewijî yenê pêser, vanê, ma şirin Ap Husî bivînin.

Wexto ke rayîr ra şinê, xo mîyan de zî suhbet kenê vanê, "Kam mireno Ap Hus vano 'mi nî.. di to, ti zî şî!' Willay hema ke nêmerdo, ma ci ra vajin 'Ap Hus, ma nî.. di to, ti zî ha şinê!' Dê hela vano se."

Bi no qayde xebera xo kenê yew, şinê keyeyê Ap Husî. Berê oda ra kewenê zere, selam danê. Vanê:

- Ap Hus, ti senîn ê?

Ap Hus vano:

- Mi nî.. di xo, willay ez zî ha şina!

Firsend nêdano kesî, o bi xo qala xo vano.