Nengî...

Yew dewijê ma bibi ci ra vatên Ap Sadiq. Verî, yew westayo zaf baş yê dês û sîwaxî biyo. La dima hişê xwu dabî têro, bibi gêj.

Miletî pere dayên ci, vatên “Şo filan kesî rê nengan biçîne.” O zî şîyên ê kesî ra vatên “Mi hîna hîna dadî û cinîya to kerd...”

Na rey ê kesî hîna zaf pere dayên ap Sadiqî û vatên “Ti şo, ê ke pere dayo to, ti şirawitê, ê rê diqat nengan biçine.”

Ap Sadiq ena rey şîyên, ê ke verê cû pere dayo ci ra nengî çinayên.

Kar û halê ap Sadiqî eno bi, debarê xwu bi eno qayde, pê nengan kerdên.

Ma pê qestikîn a pers kerdên vatên “Apo, ti hende pereyî pê se kenî?” Vatên “Lawê mi! Eg ez her ruej 30 henzar pere meberî keye, willay Xurmi şilawinda xwu şedênena, nêverdena ez tabidî.”