Mîyalan

Serê Mîyalûn qil û koy î

Zerê Mîyalûn kêber vay î

Zerê ye ra şîn di layî

Binî Mîyalûn deşt û ray î

Mehlê Navêr, Mehlê Vevêr

Wirdîn ra z‘ haskerd ina zêrr

Werrê mi biyor guênî vêr

Ma diwar tim kerdîn pêr

Lowê Gerrû, Qilî Lemû

Çiqas mî r‘ rind Baxçê Emû

Uca roşti kuen mi çimû

Şar îr der û, m‘ îr çem û

Çiqas rind û, ma r‘ in Mîyalû

Cînî kêberû kenî kalû

Wenik dunû derûn çalû

Tertur wenû pelî valû

Zafin tedi şawa meşk

Zafin tedi na a keşk

Zafin tedi viraşt kueşk

Zafin sîepari werd, nidî teşt

Lowê Kol ra şîn Hartini

Zaf buêya weş dûn puni

Piyor vizyên nimend yeni

Pê pilasû şuênî kueni

Her kes biyû aşiq yow

Ez îk biyû aşiq ena dow

Mi rî bena ruaştîya şow

Rindê rindû mi ena dow