Meselaya Tahir û Zuhre

Tahir bîyene zî eyb nîyo Zuhre bîyene zî

heta seba sewda merdene zî eyb nîyo,

pêro kar Tahir û Zuhre bîyene de yo

yanî dil de yo.

Mavajîme barîkatêk de bi pêrodayîş

mavajîme keşfkerdişê cemserê vakûrî de 

Mavajîme damaranê xo de ceribnayîşê serûmêk

merdene eyb bena?

Tahir bîyene zî eyb nîyo Zuhre bîyene zî

heta seba sewda merdene zî eyb nîyo.

Ti hes kena dinya ra çargamî

la a ferqê naye de nîya

ti qayîl nîya dinya ra bivisîye

la a to ra visîna

yanî seba ke ti saye ra hes kena

şert o ke saye zî to ra hes bikera?

yanî Zuhre Tahirî ra hes nêkerdêne

yan zî qet hes nêkerdêne

Tahirî çi kerdêne vîndî tahirîya xo ra?

Tahir bîyene zî eyb nîyo Zuhre bîyene zî

heta rîyê sewda ra merdene zî eyb nîyo.

___________

Tirkî ra tadayox: Alî Aydin ÇÎÇEK

Çime:  Nazım Hikmet, Yatar Bursa Kalesinde, Yapı Kredi Yayınları, 2006, r. 191

Na şîîre “Newepel, Rojnameyo kulturî yo 15 roje, Hûmare 28, Dîyarbekir 10-15 gulane 2012, r. 8” de wenaşîyaya.