KIRDANE DE CÎHAZÊ TEXMÎNÊ EYAMÎ

Şêx Elî Riza Septî beno wezîrê meteorolojî la raporê texmînê eyamî tim xelet vejyenê. Şêx veynda mudirê umûmî yê Meteorolojî dono vono:

- Lajê mi, bew, ino cîhazê to de problemêk esto. Milet şemsîya gêno, varon nîvareno. Nîgêno varon vareno!

Şêx dewom keno vono:

- Ma dewe de ino gure pê yew bize hal kerdinî.

Mudirê umûmî vono:

- Wezîrê mi, senî?

Şêx Elî Riza vono:

- Bize boça xo tîk kerd se hewa bîyêne akerde. Eke bize boça xo bineyki rep kerd se hewa beno vayin. La eke bize boça xo temam rep kerde se bizane ke varon ha yeno.