Heskerdiş

Dinya tarî ya, asmên hewr o

Ez hepisê to di mendo

To mi veradayo yew bîrê xorinî

Ez tede mendo

Qet nişta xwi têda lêêê!…

Ez to qîrena

Ez to barena

Ez bêrîya to kena

Ez pawibê to ya

Feqet ti…

Ez hîdi to ra dûrî ya

Heway cemedî helyeno şono

Hezey deyri, hezey lawiki

Feqet vengê mi vinî beno…

Vengê inî eşqî nîno to

Çimê to nêveyneno inî eşqî

Qelbê to inî nêfîneno

La ez hema şînê eşqtê to di ya

Mi zerrîya xwi, qelbê xwi pawibê to kerdo

Feqet ti mi mehkûmê tenabîyayişî kena…

Mi to rê şîîrî nusnay, pêser kerdî

Û mi kerdî deyrî, vetî

Inî şîîr û deyrî ki mi nuştî

Heme dinya di vila bî

Fek ra fek

Û tim û tim vajyenê...