Cinîyê Silîvanî

Ap Husê Keyê Hesan demeyêk şino Silîvan, keyê kênaya xo. Rojêk şino camî nimaj keno, badê nimajî o û çend camêrdê emrê ey de hewşê camî de xo rê suhbet kenê.

Her kes behsê cinîya xo keno. Qale yena qale, Ap Hus vano:

- Sebr sebr. Sebrê Homayî zaf o, boya ey zaf hîra ya. De wina hesab bikerêne ke sebrê ey o tewr tay hewtay serrî yo.

Dewijan ra yew vano:

- De wa Homa zî zewijnaye bîyêne û cinîya ey zî Silîvan ra bîyêne, to bidîyêne xo rê, sebr-mebr tede mendêne yan ney!