CI RÊ ÇIYÊ NÊMENDO!

Dewandê Çermûg ra, nizdîyê Sêwreke ra di dimilî şinê eskerey. Eskeraya nînan kewna jû ca. Nê rojê eskerey de darê bin de roşenê, welatî ser o qisey kenê.

Hus vano “La Heso ez nika a darda ma ya sayêreke bin de bîyaye, tasê do, leteyê nanê gilgilî û sereyê piyaz mi vero bîyayê, qet mi rê çîyê jî lazim nîyo.”

Hus senî na qiser vano se, qîrînê kewna Hesî ser. Vano “Ha ho! Mi rê?” Ew dano xwu sîne ro, vano “Ha ho, mi rê?”

Hus şaş maneno vano “La bira Heso se bî to?” Hes vano “Laa, to mi rê çiçî verda? Keyê to nêveşo!”