zazaki.net
23 Teşrîne 2017 Panşeme
Girdîya Karakteran : 12 Punto 14 Punto 16 Punto 18 Punto
11 Sibate 2012 Şeme 10:24

“Ziwanê Medenîyetî” û Tezahurê Fikrê Kolonyalîstan

Roşnvîr û sîyasetkarê kurdan, eke şima fiîlîyat de bi vateyanê cagirewtoxê serwezîrê tirkan reyde nîyê, kurdkî bimusîn, kurdkî qisey bikîn û binusîn!

Cagirewtoxê serwezîrê Tirkîya (Bulend Arinç) qiseykerdişêkê xo de esasê fikr û sîyasetê Komara Tirkîya yê vera miletê kurdî bi hawayêko gelek “medenî” dîyar kerd û da zanayîş ke ziwanê kurdkî o ziwan nîyo ke bibo ziwanê perwerdeyî, çunke “ziwanêko medenî” nîyo.

Nîyetê cagirewtoxê serwezîrê Tirkîya çi beno wa bibo, na nîjadperestî ya.

Nîyetê cagirewtoxê serwezîrê Tirkîya çi beno wa bibo, no tezahurê fikrê kolonyalîzmî (sömürgecilik) yo.

Nîyetê cagirewtoxê serwezîrê Tirkîya çi beno wa bibo, no dîyarkerdişê fikrê efendîtî û koletî yo.

Çîyo ke nê vateyan bi îdarekarekî Tirkîya dano vatiş, o zihnîyet û medenîyetê efendî û dagîrkeran (işgalcı) o.

Baş o, îdarekarê payeberzî yê Tirkîya senî şênê bi hawayêko gelek asan vateyanê winasîyan vajê?

Bi qenaetê ma sedemê na helwêsta bêperwa di çîyê bingehîn ê.

1.Zihnîyet, fikr û sîyasetê dagîrkeran yê vera miletê kurdî yo ke bi kilmîye cor de dîya zanayîş.

2.Derheqê ziwan û kulturê kurdan de xemsarî û bêîstîqrarîya roşinvîr û sîyasetkaranê kurdan o ke bêperwayîya îdarekaranê tirkan rê rayîr akeno. Bi vateyêko bîn, gama ke kurdî bi pêroyî û roşinvîrê înan, bitaybetî wayîrê ziwan û kulturê xo nêvejîyê û bi îstîqarar seba ziwan û kulturê xo linge nêdê erd, îdarekarê Tirkîya seke hetanî ewro bêdudilî dayo zanayîş, do tim bişênê wina bi ziwanê efendîyan qisey bikê û muameleyê koleyan bi ma bikê.

Eke ma nêwazenê vateyanê winasîyan fekê kolonyalîstan ra bieşnawîn ganî ma bi hawayêko bi îstîqrar û yewgirewte seba ziwan û kulturê xo linge bidîn erd û bi îdarekaranê nijadperestan bidîn zanayîş ke “medenîyet”ê înan seba ma hîç û pûç o!

Kurdêno, eke şima wazenê nîreyê dagîrkeran ziwan û kulturê xo ser ra wedarîn:

Her ca de yewbînan de kurdkî qisey bikîn!

Bi kurdkî bifikirîn, biwanîn û binusîn!

Roşnvîr û sîyasetkarê kurdan, eke şima fiîlîyat de bi vateyanê cagirewtoxê serwezîrê tirkan reyde nîyê, kurdkî bimusîn, kurdkî qisey bikîn û binusîn!

Warê ziwanî de miletê bînî wayîrê çi heqî bîn, kurdî zî ganî wayîrê ê heqan bîn. Sey miletêk, tayînkerdoxê qederê xo û ziwanê xo, miletê kurdî bi xo yo!

 Ma bi vengêko berz vanê: Wa her kes naye bizano!

11.02.2012    

 

Abdurrahman Önen

Adem Karakoç

Adnan Özbingöl

Amed Çeko Jiyan

Amed Tîgrîs

Aydin Bingöl

Azad Zal

Azîz Aliş

Bîlal Zîlan

Brusk Solduk

Can Êzîdxelo

Cuma Boynukara

Deniz Gündüz

Dilo Balîn

Dogan Munzuroglu

Ekrem Önen

Emîn Narozî

Firat Kaya

Haluk Ozturk

Haydar Işık

Hesen Çakir

Hülya Yetişen

Îrfan Kaya

İsmail Beşikçi

J. Îhsan Espar

Kerem Sevinç

M. Alî Kut

Malmîsanij

Mazlum Doğan

Mehmed Dehsiwar

Mehmed S. Uzun

Mehmet Tanriverdi

Mehmûd Al

Mehmûd Kalak

Mehmûd Kîper

Merdan Newayî

Metîn Telek

Mistefa Gomayij

Nadîre G. Aldatmaz

Nedîm Özbingöl

Nezîr Akat

Orhan Zuexpayic

Osman Aytar

Özeyir Al

Paşa Brodrêj

Receb Dildar

Roşan Lezgîn

Saîd Muhlîs Erdem

Sait Aydoğmuş

Salih Agir Qoserî

Saqib Brodrêj

Selim Temo

Serdar Bedirxan

Serdar Roşan

Serhad Bapîr

Seyda Goyan

Seyîdxan Kurij

Sidqî Hirorî

Sidqî Zîlan

Silêmanê Norşînî

Şeyda Asmîn

Şukrî Urgun

Tahîr Balsatan

Tahsin Sever

Têmûrê Xelîl

Wehdet Sîwanij

Weysel Hanyildiz

Wusênê Gestemerde

Xelîl Dihokî

Xurşîd Mîrzengî

Yavuz Maç

Zeyneb Yaş

Zinar Soran

+

Omer Dilsoz

Mehmed S. Kaya

Zinarê Xamo

Helîm Yûsiv

Tabîb Kavarij

Osman Tetîk

Abdurraman Adak

Firat Cewerî

Hamdî Özyurt

Kutbettin Nurlubaş

Xeyrulah Acar

Mutlu Can

Mehmed Akyol

Adnan Oktay

Nazmî Çîçek

Kenan Nîhat Elçî

Mehmed Taş

 

Na xebere 1935 rey wanîyaya
ŞÎROVEYÎ
Raperrayiş
sêwregij
Boka veng u awaze yê ma biresê asmên.Boka ziwanê kurdî bibo qiyrayişê heme şaranê ke bindestî de yê. U boka zilimkaran xo ra bişermê.
12 Sibate 2012 Yewşeme 00:26