zazaki.net
23 Tebaxe 2017 Çarşeme
Girdîya Karakteran : 12 Punto 14 Punto 16 Punto 18 Punto
31 Oktobre 2013 Panşeme 19:51

Yewna Rojnameyê Kirdkî Vejîya

Rojnameyê Zazakî xeyrin û bimbarek bo. Seba averberdişê kirdkî moralêko zaf baş o. Ma hêvîdar ê ke emrê xo derg bo.

Rojnameyê Newepelî, ancî îlaweyê Azadîya Welatî Verrojî ra dima yewna rojnameyê safî bi kirdkî bi nameyê “Rojnameyê Zazakî” sey hûmara teşrîna verêne yê 2013î vejîya. Rojname Çewlîg de amade beno û bi fekê Çewlîgî weşan keno.

Rojnameyê Zazakî bi îbareyê “Merhaba [Merheba] Şarî Çewlîg” dest bi weşanî kerdo. Derheqê ûsulê nuştişê rojnameyî de zî wina nusîyayo: “Ma zê Boglon [Bongilan] binûs ay Darayênî [Dara Hênî] nêwazên, ma zê Darayênî binûs ay î [ayê] Çewlîg nêwazên welhasil herkes von wa înî gûrî [gureyî] zê ma bib [bîb] feqet hina nêbeno. Ma gerek yew standartî (standard) viraz…

Rojnameyê Zazakî çar rîpelî yo, zafane tede xeberê derheqê Çewlîgî de estê. Ancî Rencber Ezîzî ser o zî yew nuşte esto. Alfabeya Kurdî tede dîyaya şinasnayene û yew ferhengek zî tede esto. Wayîra rojnameyî Gulşîrîn Koşan a. Gîzem Ç. rojname mîzanpaj kerdo. Şihap Deştij, Nîhat Çir, Yunus Boztimur, T. Balande û Sînanê Dêrsimî zî vetişê rojnameyî de hetkarî kerda.

Rojnameyê Zazakî xeyrin û bimbarek bo. Seba averberdişê kirdkî moralêko zaf baş o. Ma hêvîdar ê ke emrê xo derg bo.    

Seba îrtîbatî numreya telefonî: 0532 050 33 11

Seba têkilî e-mail: rojnameyezazaki@gmail.com  

 

Na xebere 1708 rey wanîyaya
ŞÎROVEYÎ
kyaxares.astiyages@hotmail.com
umut
Serkewtin şima ré .alla karé şima raştî bîyaro..inşallah ma pěro ziwané xu rind bizané , binusé u biwané...no girweyo ki şima virazené ; qiymeté ci ma dimilîya het pirr o..berxudari bé...bimané weşîyě di...
01 Kanûne 2013 Yewşeme 02:59
Zaf sipas
M. Mamet Qetekonij
Ma pêrin rê xeyr bo. Înşellah averberdiş û serkewtişê ziwanê Zazakî de yew gama pîle beno.
01 Teşrîne 2013 Îne 09:31