zazaki.net
28 Adare 2024 Panşeme
Girdîya Karakteran : 12 Punto 14 Punto 16 Punto 18 Punto
28 Çele 2015 Çarşeme 10:56

XEBERDAYÎŞÊ BI KURDKÎ

Ehmedê DIRIHÎ

Roja 25 çele 2015 de serwezîrê Tirkîya, semedê kongreyê îdareyê bajarî yê AKP amebi Dîyarbekir. Eywana Sporî yê Seyrantepeyî de qal kerd û va, “Tirkî û kurdî birace yî. Kes nêşkeno vernîyê na biratî bigero.” Û va, “Ez wazena ziwanê kurdan bimusî û hemwelatîyanê xwu de nika ra pey kurdkî qalî bikerî.”

Eke ca ame ci, ez vana, “Liya liya ma û tirkî ça ra benê biracê? Mi ke dîyo, ê hê ser o, ma hê bin de. Birayîya înayin ma vac zî Homa nêwazeno. De mi sare fîne. A ke nêarda ma sere, menda? Peynî ra peyin gî lacî dabi babî, gî babî dabi lacî ma werdiş. Ma senî benê biracêyî?”

Ez sey şarê ma vîrmase nîya, şima heme birayîyê înaneyin qebul bikerî zî, ez çirey qebul nêkena. Wesîyetê mi egîtanê kurdan ra no yo ke, şima zî no vîrace ra fek veradên!

Hela ke mi na qalê ey eşnawite, peynîyê 1991 û sererkanê pêroyî Doğan Güreş ame mi vîr. Ez nêzana yeno şima zî vîr, amebi, kuçeyanê Dîyarbekirî de, ê qicî ke raşt ci amebî, înan ra vatbi, “Çawan in, baş in?” No fermandaro çerkez yeno şima vîr, bacê çi felek ardbi ma kurdan sere.         

         Ez tersena Ehmed Dawudoxlî ey ra wetêr şîyoro, ziwanê ma bimuso, ma kurdan yewbînan a verdo. Hele ma bivînî, felek na rey çinê ana ma sere! Homa her çî xeyra açarno.    

Na xebere 3360 rey wanîyaya
No nuşte hema şîrove nêbîyo.