zazaki.net
23 Teşrîne 2017 Panşeme
Girdîya Karakteran : 12 Punto 14 Punto 16 Punto 18 Punto
17 Gulane 2010 Dişeme 21:58

Weşanxaneyê Vateyî Fuara Kitaban de

[Xebere]
Zazakî.NET

Fuara Kitaban TUYAPî ke reya verêne Dîyarbekir de rojanê 18-23 gulane de abena, Weşanxaneyê Vateyî zî tede stand akeno.

Cayê fuare rayîrê Erxenî ser o, Meydanê Fuare (Fuar Alanı) de yo. Fuare de cayê standê Weşanxaneyê Vateyî salona diyine de Standê 205 – D yo.

Goreyê malumatê ke ma mesûlanê buroyê Weşanxaneyê Vateyî yê Dîyarbekirî ra girewtîy, qasê pancas tewirî kitabê ke Weşanxaneyê Vateyî hetanî nika weşanayê stand de roşîyênê. Nînan ra da-des kitabî bi tirkî, di kitabî bi lehçeya kurmanckî, yê bînî heme kirdkî (zazakî) yê.

Standê Weşanxaneyê Vateyî de kitabê Weşanxaneyê Apecî ke Swêd de fealîyet keno zî roşîyênê. Kitabê Weşanxaneyê Apecî heme kurdkî (kurmanckî û kirdkî) yê.

Seba şîyayîşê fuare, otobusî vernîya beledîya Dîyarbekirî û semtê Ofîse de dingê otobusan ra rojanê fuare de saete 10.00 ra hetanî 14.00 her nêm saete ra reyêk werzenê. Fuare ra agêrayîş zî, saete 11.00 ra hetanî 18.00, her nêm saete ra reyêk werzenê.

Na xebere 1501 rey wanîyaya
No nuşte hema şîrove nêbîyo.