zazaki.net
29 Adare 2024 Îne
Girdîya Karakteran : 12 Punto 14 Punto 16 Punto 18 Punto
14 Oktobre 2010 Panşeme 16:45

Weşanxaneyê Kurdan yê Dîyarbekirî Beşdarê TUYAPî Benê

Xebere: Zazakî.Net

Qismêk weşanxaneyê kurdan ke Dîyarbekir de yê, xo amade kenê ke beşdarê fuara kitaban ya TUYAPî bibê.

Fuara kitaban ya TUYAPî ke Îstanbul de virazîyena, emser fuara 29. roja 30 oktobre de dest pêkena hetanî roja 7 teşrîne dewam kena.

Dîyarbekir ra weşanxaneyê sey Lîs, Ava û Aramî hetanî nika seba beşdarîya fuara 29. ya TUYAPî muracat kerdo. La lîsteya weşanxaneyanê ke do beşdarê fuare bibê 15ê oktobre ra pey do îlan bibo.

Goreyê malumatê ke îdarekerdoxanê fuara TUYAPî da, hetanî nika 500 ra vêşêr weşanxaneyan muracat kerdo ke beşdarê fuare bibê. La hîna tu weşanxaneyêkê kurdan reyde peymane nêameya îmza kerdene. Rojanê vernîya ma de do bellî bibo ke kamcîn weşanxaneyî beşdarê fuare benê.  

Na xebere 2499 rey wanîyaya
No nuşte hema şîrove nêbîyo.