zazaki.net
29 Adare 2024 Îne
Girdîya Karakteran : 12 Punto 14 Punto 16 Punto 18 Punto
11 Çele 2010 Dişeme 19:06

Vate-33 Vejîya

[Anons]
Zazakî.NET

Hûmara 33. yê kovara Vateyî vejîya.

Rîpelê 3. yê kovare de, nuşteyê destpêkê yo bi sernameyê “WENDOXAN RÊ” de redaktorê kovare bala wendoxan ancenê tayê dek û planan ser ke ma kirdan nêzdîye ra eleqedar kenê. Wina vanê:

…, Tirkîya de nê aşmanê peyênan de persa kurdan zaf yena munaqeşkerdene. Qismêk nuştoxê kemalîstî û terefdarê tezanê dewlete, nê munaqeşeyan de seba manîpulasyonî, kirmancan (zazayan) û kirmanckî (zazakî) ser o nusenî, qisey kenî û îddîa kenî ke kirmancî kurd nîyî, ziwanê înan kurdkî nîyo. Menga nîsane de, sererkanê pêroyî yê Tirkîya Îlker Başbugî behsê “kurd û zaza”yan kerd. Tayê îdarekerê sîvîlî û akademîsyenê şovenî zî mexsus nê tezan ser o vindenî. Yanî nişka ve ra pisporê “zazayan û zazakî” -yê ke yew çekuye kirmanckî zî nêzanî- bîyê zaf. Sey Prof. Orhan Turkdoganî. (Turkdogan yew wext muxbîr bi, mesela Îsmaîl Beşîkçî îxbar kerdbi, nika kirmancan ser o kitab nuseno.) Herçiqas ma xo ra vajî “kirmanc” û “kird” zî, nê merdimî qet çekuya “kirmanc” yan zî “kird”î nêgênê fekê xo, tena “zaza” vanî. Çunke wazenî kirmancan (kirdan) û kurmancan yewbînî ra dûrî fînî. Zazacîyê ke eslê xo, yanî kurdbîyayena xo înkar kenî zî nê tezanê dewlete ra destek gênê û nê tezan vila kenî. Ma bala wendoxan ancenî nê plananê sexteyan ser.

Na hûmara kovare de netîceyê kombîyayîşê 17. yê Grûba Xebate ya Vateyî weşanîyayê.

Na hûmare hetê şîîran ra zaf dewlemend a. Şîîrê Malmîsanij, W. K. Merdimîn, Hafiz Ehmed Turhalli, M. Mîrzanî, Cemal Sureya, Akman Gedîk, La Fontain, M. Arîf Ayçîçek, Huseyîn Burke, Gawanê Welatî, Serdar Roşan, Bîlal Nêribij, Omer Faruq Ersoz, Xalê Sebrî, Newzad Valêrî, Daîmî Bingol, Tekîn Agacik û Mutlu Firatî estê.

Sînan Sutpak, Murad Canşad, Huseyin Karakaş, Hebûn Okçu û Seyîdxan Kurij bi hîkayanê xo beşdarê na hûmara kovare bîyê.

Alî Beytaş û J. Îhsan Esparî, her yewî yew nuşte nuşto.

H. Giran, Seyîdxan Kurij, Oktay Ersoy û Mehmûd Nêşiteyî bi arêkerdişanê xo reng dayo kovare.

Rîpelê Fiqrayan bi fiqrayê ke Duzgun Dîkme, Seyîdxan Kurij, Dogan Karasu, Aysena Kurdî û Bahoz Welatî neqişîyayê.

Hewna Murad Canşadî îdyomê ke arêday, qismêkê înan na hûmare de weşanîyayê.

Rîpelê Kitaban ra de, kunye û resmê qapaxê tam 16 kitabê kirmanckî (zazakî) yê ke newe weşanîyayê kovare de estê.

Adresa waştişî:

Vate Yayınları

Katip Mustafa Çelebi Mahallesi, Tel Sok. No: 18 Kat: 3

Beyoğlu – İstanbul

Tel: 0 212 244 94 14

e-post: wesanxaneyevateyi@hotmail.com

 

 

Na xebere 20062 rey wanîyaya
ŞÎROVEYÎ
Ra
Zal
Heq dest u pawane şıma dê bo ke şıma honde Kovara Kulturî u nazik vêjene.
Ma zer u canê xo ra wazênîme ke şima wayîre emro dergî bêne u tîmî tîmî
zonê ma u bindestî ravêrî bêre:)
11 Nîsane 2010 Yewşeme 12:54