zazaki.net
21 Teşrîne 2017 Sêşeme
Girdîya Karakteran : 12 Punto 14 Punto 16 Punto 18 Punto
01 Hezîrane 2010 Sêşeme 17:00

Unîversîteya Artuklu Dersdaranê Kurdkî Perwerde Kena

[Xebere]
Zazakî.NET

Enstîtuya Ziwananê ke Trikîya de Ciwîyênê ya Unîversîteya Artuklu ya Mêrdînî kursê perwerdekerdişê namzedanê dersdaran yê kurdkî (kurmanckî-zazakî) akena.

Goreyê îlanê ke roja 27.05.2010 de keyepelê Unîversîteya Artuklu www.artuklu.edu.tr de weşanîyayo, bunyeya Enstîtuya Ziwananê ke Trikîya de Ciwîyênê de 21 hezîrane ra hetanî 13 êlula 2010î kursê perwerdekerdişê namzedanê dersdaran yê kurdkî (kurmanmckî-zazakî) abeno. Îlan de dîyeno zanayene ke do 50 kursîyerî seba nê kursî bêrê qebul kerdene.

Seba muracatî nê karî lazim kenê:

A) Namzedî ganî CVyanê xo roja 31 gulane ra hetanî 11ê hezîrane bişawê adresa  tyde@artuklu.edu.tr 

Tercîhkerdişê Lehçe: Namzedî ganî CVya bîyografîya xo de belî bikerê ke lehçeyanê kurdkî ra kurmanckî yan zazakî de dekewenê îmtîhan.  

B) Namzedî ganî belgeyanê ke cêr ra name benê bi dest teslîm bikerê yan zî posta reyra bişawê adresa “Mardin Artuklu Üniversitesi Türkiye’de Yaşayan Diller Enstitüsü Yenişehir/MARDİN” bikerê.

1.Eke estê belgeyê ALES û ÜDS-KPDS

2.Dîplomaya lîsansê çar serran yan zî belgeyê mezunîyetî (Eke dîploma yan belge teberê Tirkîya ra girêyîya lazim o ke mustewaya aye hetê Yükseköğretim Kurulu Başkanlığı ra ameya qebulkerdene bo).

3.Ganî 50 (pancas) TL bierzê hesabê cêrin yê Unîversîteya Artukulu ya Mêrdînî ke Ziraat Bankası de yo û dekontê pereyî bêro nîşandayene.

IBAN No: TR460001000092492384105003

4.Namzedanê ke beşdarbîyena kursî bi hawayêko qetî heq kerdo ganî 400 (çar sey) TL bierzê hesabê ke madeyê hîrine de nîşan dîyayo û dekontê pereyan bêro nîşandayene.

TEQWÎMÊ ÎMTÎHANÎ

Îmtîhanê nuştekî: 7 hezîran 2010

Mulaqat: 10-11 hezîran 2010

Peymê tesbîtkerdişê sewîye: Gama ke namzedî seba programî qebul benê, tesbîtkerdişê sewîye de notê înanê ALES û ÜDS-KPDS (Heme ziwanê ke nê îmtîhanan de ca gênê derbas benê) % 15, îmtîhanê nuştekî % 50, mulaqat % 20 giranîya xo estê.

Na xebere 1497 rey wanîyaya
No nuşte hema şîrove nêbîyo.