zazaki.net
21 Tebaxe 2017 Dişeme
Girdîya Karakteran : 12 Punto 14 Punto 16 Punto 18 Punto
15 Êlule 2010 Çarşeme 18:32

Unîversîteya Artuklu de bi kurdkî lîsanso berz virazîyêno

Xebere: Zazakî.Net

Unîversîteya Artuklu ya Mêrdînî de programê Ziwan û Kulturê Kurdan yê Enstîtuya Ziwananê ke Trikîya de Ciwîyênê de seba lîsansê berzî somestirê payîzî yê 2010-2011î de vîst (20) wendekarî yenê girewtene.

Seke yeno zanayene çarçewaya Enstîtuya Ziwananê ke Trikîya de Ciwîyênê yê Unîversîteya Artuklu ya Mêrdînî de seba perwerdekerdişê namzedanê dersdarîye yê kurdkî (kurmanckî-zazakî) hamnanê 2010î de yew kurs abibi. Seba kursî 499 kurmancî 34 zî kirmancî, pêropîya 533 kesan muracat kerdbi. Netîce de hîris û heştê înan kurmancî duwêsê înan zî kirmancî, pancas kursîyerî seba dersdarîya kurdkî amebîy perwerde kerdene.

Nê kursî ra pey, sey dewamê nê programî, çarçewaya eynî enstîtu de programê lîsnasê berzî ame dest pêkerdene û do 20 wendekarî seba lîsansê berzî bêrê girewtene.

Derheqê kursê perwerdekerdişê dersdaranê kurdkî û lîsansê berzî yê bi kurdkî de mudirê Enstîtuya Ziwananê ke Tirkîya de Ciwîyênê Prof. Qedrî Yildirimî va, “Badê kursê perwerdekerdişê dersdaranê kurdkî na rey ma programê lîsansê berzî yê bi kurdkî da dest pêkerdene. Destpêk de do 20 kesî seba lîsansê berzî bêrê girewtene. Ma do biewnîyê muracatan ra. Goreyê muracatan ma do hûmara wendekaranê lîsansî yê kurmanc û kirmancan bellî bikerin.”

Prof. Qedrî Yildirimî derheqê nameyê enstîtu de zî va “Ma bi xo nameyê enstîtu ra, ta sere ra razî nîyê. Labelê ma destpêk de name nêkerd problem. Ma va, na merhele de muhîm o yo ke ma muhtewaya aye dekerin. Nika qerarê nê lîsansê berzî reyde ma resay bi amancê xo. Înşala ma do nameyê na enstîtu zî bivurnin bikerin ‘Enstîtuya Kurdolojî’ yan zî ‘Enstîtuya Ziwan û Edebîyatê Kurdkî’. Bi no qayde ma wezenê akademîsyenanê kurdkî perwerde bikerin.”

Seba muracatê lîsansê berzî yê bi kurdkî mîyanê rojanê 13-24 êlule de do muracat bêro kerdene. Netîceyê qebulkerdişê lîsansî do roja 27ê êlule de îlan bibo. Roja 28ê êlule de do mulaqat bêro kerdene û roja 29ê êlule de zî netîceyo qetî bêro îlan kerdene.

Na reya verên a ke Tirkîya de yew unîversîte de dersa kurdkî yena dayene û bi kurdkî lîsanso berz yeno viraştene.

Na xebere 1583 rey wanîyaya
ŞÎROVEYÎ
xursid
ferîste
Semede na xebera rind û dilalîyê zazaki.net re zaf spas. çimê hometa kirmanc rostî be. Na gamade virêne, la avêsîyayîsê ziwanê ma de zaf muhîma. ê ye ke emegê xo vêrdo ra wes û war be. însallah na game bena sebebe gamanê bînan.
15 Êlule 2010 Çarşeme 19:30
xebera zazaki tiyatro
Dimili-kirmancki-zazaki
http://www.zaman.com.tr/haber.do?haberno=1027690&title=tiyatro-sahnesinde-ilk-zazaca-oyun
15 Êlule 2010 Çarşeme 18:44