zazaki.net
24 Tebaxe 2017 Panşeme
Girdîya Karakteran : 12 Punto 14 Punto 16 Punto 18 Punto
17 Adare 2010 Çarşeme 14:09

UNESCO Kela Hewlêrî Restore Keno

[Xebere]
Zazakî.NET

Teşkîlatê Perwerde, Zanist û Kulturî yê Miletanê Yewbîyayan UNESCO Kela Hewlêrî ya tarîxî ke paytextê Kurdîstanê Başûrî Hewlêr de ya û dorûverê aye do restore bikero.

Derheqê nê restorasyonî de roja 09.03.2009 mîyanê walîyîya Hewlêrî û UNESCO de di peymanî amey îmzakerdiş. Merasimê îmzakerdişê peymanan Kela Hewlêrî de virazîya. Walîyê Hewlêrî Newzad hadî va, “Merheleya verêne yê peymane do 3 serrî dewam bikero, merheleya diyine zî restorekerdişê semtê Ereb, Xaneqa û Tecîlî gêna mîyanê xo.”

Temsîlkarê UNESCOyî Muhemed Celîdî zî merasim de va, “Kela Hewlêrî dosyaya kulturê cîhanî ke ma ser o xebitênê de bi hawayêko muweqet şinasîyaya. Restorasyon, seba bi hawayêko daîmî şinasîyayîşî yew destpêk o.”

 

Na xebere 1469 rey wanîyaya
No nuşte hema şîrove nêbîyo.