zazaki.net
21 Tebaxe 2017 Dişeme
Girdîya Karakteran : 12 Punto 14 Punto 16 Punto 18 Punto
17 Çele 2010 Yewşeme 18:08

Tewr Derg û Kilmê Cîhanî Amey Têhet

[Xebere]
Zazakî.NET

Camêrdo tewr derg û o tewr kilmê cîhanî Sultan Kose û He Pingping amey têhet.

Sultan Kose kurd o û qezaya Mêrdînî Dêrike ra yo. Qama ey 246.5 santimetre derg a. Nika kitabê rekoran yê cîhanî Guinness de sey camêrdo tewr derg yê cîhanî qeyd bîyo.

Sulatn Koseyî de bi nameyê “Pituiter girantism” yanî “nêweşîya dêwan” yew nêweşî estbîya. 2008 de amelîyat bîyo û qameştişê ey vinderto.

Sultan Kose neke tena bi qama xo camêrdo tewr derg yê cîhanî yo, bi dest û linganê xo zî merdimo tewr derg yê cîhanî yo. Destê ey 27.5 santîm, lingê ey zî 36.5 santîm derg ê.

He Pinping Çîn ra, mintiqaya Moxolîstanî ra yo, 21 serre yo. Qama ey 74 santîmî ya. O zî kitabê rekoran yê cîhanî Guinness de sey camêrdo tewr kilm yê cîhanî qeyd bîyo.

He Pinpingî de zî nêweşîyêka bi nameyê “Primordial” estbîya û wucûdê ey gird nêbîyo. Vanê, gama ke He Pinping ameyo dinya, qaso ke bikewo kefê destêkê babîyê xo, hende hurdîlek bîyo.

Camêrdo tewr derg û camêrdo tewr kilm yê cîhanî 15 çile 2010 de Îstanbul de ameyê têhet.

Vanê, rojnamegeran He Pinpingî ra persayo vato, “Embaza to esta?” He Pinpingî vato, “Yew kênaya ke qama aye normal a, embaza min a.” Dima Sultan Koseyî ra persayo. Ey vato “Embazêka min a qama mi de çin a. Na mesela de He Pinping zaf bişans o.”

 

Na xebere 4312 rey wanîyaya
No nuşte hema şîrove nêbîyo.