zazaki.net
16 Tebaxe 2017 Çarşeme
Girdîya Karakteran : 12 Punto 14 Punto 16 Punto 18 Punto
16 Hezîrane 2010 Çarşeme 09:41

Şîrketê Ewropa Piştgirîya Dîktatoran Kenê

[Xebere]
Zazakî.NET

Aktîvîsta heqanê merdiman û wayîra xelata aştî ya Nobelî Şîrin Ebadîya îranije emser aşma adare de roportajê ke dabi radyoyê France Culturî de vatbi, “Teda û sansur de çi heyf ke tayê şîrketî piştgirîya Îranî kenê. Siemens û Nokia cîhazê goşdarîkerdişê telefonê destan û teqîbkerdişê mesajanê SMS rotê bi Îranî. Almanya mîyanê welatanê Ewropa de hemkara tîcarî ya tewr girde ya Îranî ya. Yew dirîyîya ke ma nêşênê fehm bikin meydan de ya.”

Di aşmî verê cû konsursîyomê girdî yê telekomunîkasyonî na îdîa tekzîb kerdbî. La hewteyêk verê cû gama ke mudirê rotişî yê Nokia-Siemens Networksî Barry Frenchî Parlementoyê Ewropa de qisey kerd, îtîraf kerd ke înan cîhazê ke cayê telefonê destan tesbît kenê û telekomunîkasyonî bisînor kenê rotê di fîrmayanê Îranî. Barry Frenchî qiseykerdişê xo de va, ma zordarîya hukmatê Îranî ro şarê xo keno ver xemgîn ê, ma dersa xo girewte.

Rêxistina Rojnamegeranê Sînornenasan zî şîrketanê Ewropa ra waşt ke têklîya xo rejîmanê dîktatoran reyde kêmî bikerê.

Na xebere 1177 rey wanîyaya
No nuşte hema şîrove nêbîyo.