zazaki.net
19 Tebaxe 2017 Şeme
Girdîya Karakteran : 12 Punto 14 Punto 16 Punto 18 Punto
14 Tebaxe 2010 Şeme 08:51

Îran de Ambargo ra Verî Kurdî Xesirîyênê

Xebere: Zazakî.Net

Merkezê Ostanê Kurdîstanî (Kurdîstanê Rojhelatî) Sine de di kitabroşî gêrîyay.

Di kitabroşê girdî yê bi nameyê Kitabroşê Merdoxî û Kitabroşê Xerîkî ke Sine de fealîyet kenê, muşkileyanê ekonomîkî ra mecbur mendîy ke fek fealîyetê xo ra verabidê û dikanê xo bigîrê.

Gêrîyayîşê nê her di kitabroşan û nînan ra ver zî vindarîyayîşê weşana kovara Sirwe mîyanê roşinbîran û wendoxanê Sine de bi semedê xemgînîyêka girane. Krîzê ekonomîkî yê Sine de ambargoyê ekonomîkî yo ke Îranî ser o esto ra peyda beno. Labelê semedo ke dewlata Îranî verî ra tu îmkanê ekonomîkî nêdana bi şaristananê kurdan coka Îran de tewr verî şaristanê kurdan kewnê binê tesîrê ambargoyê ke Îranî ser o esto.

Wina texmîn beno ke mîyanê sînoranê dewleta Îranî de 12 mîlyonan ra vêşêr kurdî estê. Nê kurdî eyaletanê sey Ostanê Kordistan, Ostanê Azarbaycanê Xerbî, Ostanê Kermanşah û Ostanê Îlamî de ronişte yê. Labelê dewleta Îranî tena mintiqaya Senedecî sey Kurdîstan name kena.

Na xebere 1539 rey wanîyaya
ŞÎROVEYÎ
serhad
serhat amed
newçeyêke zehf xemgînewa. bi raştî zî ziwanê kurdkî enî ra peyde maneno. eyro îmkanê kurdan zehf bibayne ga ziwanê kurdkî zî enî halîde nêbo. ez omîdwara go halê kurdan laverde baştir bibo.
14 Tebaxe 2010 Şeme 12:02