Radyoyê Înternetî yê Kurdan Dest bi Weşane Kerd

Radyoyê KurdFm ke înternetî ser o weşane keno, sey APPê yewin yê Înternetî yê kurdan dest bi weşane kerd.

Radyoyê KurdFmî badê ke gelek wext weşana testî kerde, nika goreyê teknîkê averşîyayeyî ra seba şuxulnayoxanê Iphone (APP Applikation) ke telefonê destan ra goşdarî beno, dest bi weşane kerd.

Radyoyê KurdFmî bi na taybetîya xo sey APPê yewin yê kurdan mîyanê programanê Iphonî de ca girewt. Hetanî nika cîhan de 9500 kesan Iphon ronayo. Mîyanê welatanê ke Iphon ronayê de Almanya û Tirkîya tewr sere de yê.

Radyoyê KurdFm ke studyoyê ey Almanya de yo, xo amade keno ke hetanî peynîya na serre dest bi weşana zindîye bikero. Radyoyê KurdFm ke do 24 saetî weşana zindî bikero, şewa serrnewa de bi organîzekerdişê konserêk do weşana xo ya zindîye îlan bikero.

Radyoyê KurdFm xebata xo ya ke Almanya de bibo marka dewam keno û lebitîyêno ke Tirkîya de zî bibo marka.

Weşana zindî ya Radyoyê KurdFmî www.KurdFm.com ser o bi ronayîşê Windows Media Player, Winanp, Flash Player û Real Player zî yena goşdarî kerdene.