zazaki.net
22 Êlule 2017 Îne
Girdîya Karakteran : 12 Punto 14 Punto 16 Punto 18 Punto
05 Nîsane 2014 Şeme 13:00

Nêweşxaneyanê Dîyarbekirî de Kursê Kurdkî

Xebere: Zazakî.Net

Dîyarbekir de, nêweşxaneyanê dewlete de kursê kurdkî (kirdkî û kirdaskî) roja 17.03.2014 de dest pêkerd û her nêweşxane de, di aşmî kirdkî di aşmî kurmanckî, do çar aşmî dewam bikero. Kursê her lehçe çar hewteyanê verênan de dersa teorîkî, çar hewteyanê peyênan de zî dîyalogan ser o dersa pratîkî dîyena.

Her nêweşxane de hewte de di rojî kurs dîyeno. Nêweşxaneyê Tutan de rojanê dişeme û çarşeme, Nêweşxaneyê Perwerde û Cigêrayîşî de rojanê sêşeme û panşeme, Nêweşxaneyê Doxumî de zî rojanê dişeme û îne kurs dîyeno. Merheleyê verên de Nêweşxaneyê Tutan û Nêweşxaneyê Perwerde û Cigêrayîşî de kursê kirdkî dîyeno, Nêweşxaneyê Doxumî de kursê kurmanckî dîyeno. Merheleyê diyin de na rey do Nêweşxaneyê Tutan û Nêweşxaneyê Perwerde û Cigêrayîşî de kursê kirdkaskî, Nêweşxaneyê Doxumî de kursê kirdkî bidîyo.

Nêweşxaneyê Tutan de da-vîst, Nêweşxaneyê Perwerde û Cigêrayîşî û Nêweşxaneyê Doxumî de zî her yewî de da-çewres kursîyerî beşdarê kursî benê. Zafê înan doktor, hemşîre û îdarekarê nêweşxaneyan ê. Mîyanê kursîyeran de kurdî (kurmanc û kirdî) û tirkî pîya estê. Qismêkê kurdan kurdkî (kirdkî û kurmanckî) zanê la zêde fehm nêkenê, wendiş û nuştişê kurdkî zî nêzanê. Coka kurs de ziwan sifir ra yeno musnayîş. Kursê kirdkî Roşan Lezgîn dano, kursê kurmanckî zî Serfiraz Koymen dano.

Na xebere 1840 rey wanîyaya
ŞÎROVEYÎ
Bixeyr bo
M. Mamet Qetekonij
Şarê Dîyarbekirî rê bixeyr bo û înşellah cayanê bînan de zî destpêk kero.
07 Nîsane 2014 Dişeme 09:22