zazaki.net
23 Teşrîne 2017 Panşeme
Girdîya Karakteran : 12 Punto 14 Punto 16 Punto 18 Punto
25 Teşrîne 2010 Panşeme 10:09

Nufûsê Dinya Nêzdîyê 7 Mîlyaran o

Xebere: Zazakî.Net

Goreyê reqemanê Fonê Nufûsî yê Yewîyîya Neteweyan (UNFPA) nufûsê dinya nika 6 mîlyarî û 908 mîlyonî û 7 hezarî kes o. Goreyê texmînanê UNFPA emser, yanî 2010 de, nisbet bi serra parî nufûsê dinya 79 mîlyon kes zêdîyayo. Texmîn beno ke serra 2050î de nufûsê dinya 9 mîlyarî ra bivîyaro.

Zêdîyayîşê nufûsî de Afrîka tewr sere de ya, Ewropa zî tewr peynî de ya. Pisporî texmîn kenê ke mîyanê 40 serranê vernîya ma de welatê ke tewr zêde nufûsê înan kêmî bibo Japonya, Rusya, Almanya û Îtalya yê. Nika welato ke nufûsê ey tewr zêde yo, Çîn o. Çîn de 1 mîlyar û 354 mîlyonî kes ciwîyêno.

Goreyê texmînanê UNFPA, nufûsê Hindîstanî 2010 de resayo 1 mîlyar û 214.5 mîlyonî. Goreyê texmînan ra serra 2050î de do nufûsê Hindîstanî bireso 1 mîlyar 613 mîlyonî û qasê 196 mîlyonî Çînî ra bivîyaro.

Nufûsê Tirkîya nika 75 mîlyonî û 700 hezar o. Texmîn beno ke hetanî serra 2050î nufûsê Tirkîya do 21 mîlyonî 700 hezar bizêdîyo, bibo 97 mîlyonî û 400 hezar kes.

Hetê ardişê tutan ra Efxanîstan sere de yo. Têpîze de her cinîyêk 6.42 tutî ardê dinya. Welatê ke cinîyan tewr tay domanî ardê zî Hong Kong o, her cinîyêk 1.01 tut ardo. Tirkîya de her cinîyêk 2.09 tut ardo.  

Na xebere 1257 rey wanîyaya
No nuşte hema şîrove nêbîyo.