zazaki.net
19 Oktobre 2017 Panşeme
Girdîya Karakteran : 12 Punto 14 Punto 16 Punto 18 Punto
24 Çele 2010 Yewşeme 20:45

Necmedîn Buyukkaya Ame Yadkerdiş

[Xebere]
Zazakî.NET

Necmedîn Buyukkaya sergêra 26. yê şehîdbîyayîşê xo de ewro saete 12:00 de Sêwregi de serê mezelê xo de hetê ferdanê keyeyê xo, dost û embazanê xo û kurdperweran ra ame yadkerdiş.

Nêzdîyê di sey (200) merdimî serê mezelê Necmedîn Buyukkayayî de kom bîy. Ewilî seba rêzgirewtişê heme şehîdanê Kurdîstanî deqîqeyêk rêz ame girewtiş. Dima Dr. Adem AVCIKIRANî derheqa cuy û mucadeleyê Necmedîn Buyukkayayî de yew xîtabet pêşkêşê haziran kerd. Ey dima Wêranşar ra embazê Necmedîn Buyukkayayî Nûrî SOLMAZî şîîra ke şehîd Necmedînî ser o nuştebîy wende. Ey dima zî birayê Necmedînî Mehmûd Buyukkayayî yew şîîre wende. Û bi no qayde yadkerdiş temam bi.

____________

NOT: Malumat û fotografî Hesen ÇAKIRî ra gêrîyay.

Na xebere 1976 rey wanîyaya
No nuşte hema şîrove nêbîyo.