zazaki.net
17 Tebaxe 2017 Panşeme
Girdîya Karakteran : 12 Punto 14 Punto 16 Punto 18 Punto
27 Gulane 2010 Panşeme 09:12

Mîyanê Unîversîteyan de Bedilnayîşê Wendekaran

[Xebere]
Zazakî.NET

Unîversîteyanê Kurdîstanê Başûrî û qisimêk unîversîteyê ke şaristananê Kurdîstanê Bakurî de yê, xo mîyan de yew peymane îmza kerde ke bişênê yewbînan reyde wendekaran bivurnê.

Roja 16.05.2010 de, Unîversîteya Duhokî de mîyanê unîversîteyanê Kurdîstanê Başûrî û unîversîteyanê qismêk şaristananê Kurdîstanê Bakurî yê sey Dêrsim, Şirnex, Kilîs û Mêrdînî de seba ke bişênê yewbînan reyde wendekaran bivurnê yew peymane ameye îmza kerdene.

Merasîmê îmzakerdişê protokolê peymane de wezîrê perwerdeyê berzî yê Kurdîstanê Başûrî, rektorê unîversîteyanê Selahedîn, Duhok, Koye û Soranî zî amade bîy. 

Rektorê Unîversîteya Duhokî Îsmet Xalidî merasîmê îmzakerdişê protokolê peymane de va, “Goreyê nê protokolê ke îmza bîyo, êdî wendekarê Unîversîteya Duhokî şênê perwerdeyê xo unîversîteyanê Tirkîya de dewam bikerê. Eynî wext de wendekarî şênê Tirkîya ra bêrê unîversîteyê ma de wendişê xo dewam bikerê. Muhîmîya nê protokolî zaf zêde ya. Her di terefî zî do na peymane ra zaf fayde bivînê.”

Na xebere 1083 rey wanîyaya
No nuşte hema şîrove nêbîyo.