zazaki.net
23 Tebaxe 2017 Çarşeme
Girdîya Karakteran : 12 Punto 14 Punto 16 Punto 18 Punto
23 Temmuze 2010 Îne 18:19

Mehkemeya Îsmaîl Beşîkçî 28ê Temmuze de ya

Xebere:
Zazakî.NET

Sosyolog Îsmaîl Beşîkçî roja 28 temmuze 2010, saete 09.10 de, Edlîyeya Beşîktaşî ya Îstanbulî, Mehkemeya 11. ya Cezaya Girane ya Îstanbulî de mehkeme beno.

Kurdperwerê ke îmkanê înan esto, ma hêvîdar ê ke a roje mehkeme de Îsmaîl Beşîkçî tena nêverdê, seba paştgirîye beşdarê mehkeme bibê.

Sosyolog Îsmaîl Beşîkçî

Seke yeno zanayene, semedo ke Îsmaîl Beşîkçî nuşteyê xo yê bi sernameyê “Heqê tayînkerdişê îstîqbalê neteweyan û kurdî” de ke kovara Çagimizda Toplum ve Hukuk de weşanîyabî de vato “Kurdî bîy 200 serrî ke seba azadî, seba welatêkê azadî mucadele kenê, bedêl danê… Sûrîye, Îran û Tirkîya kurdan bi zordarîye îdare kenê. Vera prosesê na zordarî û zulmî de mucadeleyê kurdan heqêko meşrû yo.” coka derheqê Îsmaîl Beşîkçî û mudira karê nuştişî ya kovara Çagimizda Toplum ve Hukuk Zeycan Balci de bi sedemê ke înan progandaya terorî kerda Mehkemeya 11. ya Cezaya Girane ya Îstanbulî de mehkeme abîya û înan rê heşt serrî û nêm ceza yena waştene.

Na xebere 1454 rey wanîyaya
No nuşte hema şîrove nêbîyo.