zazaki.net
19 Oktobre 2017 Panşeme
Girdîya Karakteran : 12 Punto 14 Punto 16 Punto 18 Punto
01 Tebaxe 2013 Panşeme 17:10

Mamosta Felekedîn Kakeyî Şi Rehmet

Cayê ey cenet bo, Homa sebr bido aîle û merdim û heme as û dostanê ey, wa Kurdistan û sereyê miletê kurdî weş bo.

Wezîrê Roşinbîrî û Lawan yê hukmatê Kurdîstanê Başûrî yê verî, sîyasetkar, cigêrayox, roşinvîr û nuştox Felekedîn Kakeyî vizêr şaristanê Selahedînî de keyeyê xo de şi rehmet. Homa ey bi rehma xo şa bikero, cayê ey cenet bo.

Felekedîn Kakeyî 1943 de Kerkûk de ameyo dinya û neke tena mîyanê kurdanê Başûrî de belkî seraserê Îraqî û her çar parçeyanê Kurdîstanî de zî namdar bi. O hem sîyasetkar hem zî cigêrayox, roşinvîr û nuştoxêko erjaye bi. Tim terefdarê sulh, aştî û yewîya mîyanê kurdan de bi.

Felekedîn Kakeyî gama ke wezîrê Roşnibîrî û Lawan yê hukmatê Kurdîstanê Başûrî bi, serra 2006î de Grûba Xebate ya Vateyî wesênaybî Başûr. Hewlêr de yew konferansê ma kirdan û hewramîyan organîze kerdbi.

Nê serranê peyênan de çend rey seba konferas û panelan ame Dîyarbekir, her reye zî ma yewbînan dî.

Na menga bimbareke de keyeyê xo de şîyo rehmet. Tekrar ma vanê cayê ey cenet bo, Homa sebr bido aîle û merdim û heme as û dostanê ey, wa Kurdistan û sereyê miletê kurdî weş bo.

66.jpg

Roşan Lezgîn, Felekedîn Kakeyî, Munzur Çem (Hewlêr, 2006)

 

Felekedîn Kakeyî Dîyarbekir de aktîvîteya vîrardişê Mela Mistefa Barzanî de 

Payanî û destê çepî ra: Felekedîn Kakeyî, Xetîce Yaşar, Wisif Hêlinij (Yusuf Kaymak), Haydar Diljen, Munzur Çem, J. Îhsan Espar, Mehmed Selîm Uzun, cinîya Mam Celalî Hêro Xan (Hêro Îbrahîm Ehmed), M. Malmîsanij, Ehmedê Dirihî, cagirewtoxê serwezîrê hukmatê Kurdîstanê Başûrî Umer Fetah, Serdar Bedirxan, Roşan Lezgîn, kurdanê Armenîstanî ra nuştox Wezîrê Eşo

Ronişteyî û destê çepî ra: Mehmet Taş, Lerzan Jandîl, Mehmûd Nêşite, Huseyîn Kulu, Seyîdxan Kurij, Aydin Bîngol, kurdanê Azerbaycanî ra sernuştoxê rojnameyê Dîplomatî Tahir Suleymanov

Ca: Hewlêr, vernîya bînaya serekwezîrîya Hukmatê Kurdîstanê Başûrî

Wext: Payîz, 2006

 

Payanî û destê çepî ra: Felekedîn Kakeyî, Xetîce Yaşar, Haydar Diljen, Munzur Çem, J. Îhsan Espar, Mehemed Selîm Uzun, cinîya Mam Celalî Hêro Xan (Hêro îbrahîm Ehmed), M. Malmîsanij, Ehmedê Dirihî, cagirewtoxê serwezîrê hukmatê Kurdîstanê Başûrî Umer Fetah, Roşan Lezgîn, kurdanê Armenîstanî ra nuştox Wezîrê Eşo

Ronişteyî û destê çepî ra: Mehmet Taş, Lerzan Jandîl, Mehmûd Nêşite, Huseyîn Kulu, Seyîdxan Kurij, Aydin Bîngol, kurdanê Azerbaycanî ra sernuştoxê rojnameyê Dîplomatî Tahir Suleymanov

Na xebere 1705 rey wanîyaya
No nuşte hema şîrove nêbîyo.