Mamosta Alî Tayfun Şi Rehmet

Kurdperwero erjaye mamosta Alî Tayfun roja 05.08.2012, saete 23.00 de dinyaya xo bedilna. Homa ey bi rehma xo şa bikero, sereyê merdimanê ey, dost, embaz û heskerdoxanê ey û sereyê miletê kurdî weş bo.

Mamosta Alî Tayfun (Elî Xoce) birayê mamostayê ma Malmîsanijî yo. Kurdperwer û mamostayêkê ma yo zaf erjaye bi. Hertim piştgirîya xebata ma ya ziwanî kerdêne, halê xo yê nêweşîye de bîle tim moral dayêne ma. Bi nameyê Hesenî Giran gelek nuşteyê ey kovara Vateyî de û rojnameyê Newepelî de weşanîyayî.

Demeyêko derg ra nêweşîye ra muzdarîb bi. La ancî zî moralê xo zaf berz girewtêne û bidîqet xo pawitêne.

Elî Xoceyî demeyêko derg wendegehê semtê Peyasî (Kayapınar) yê Dîyarbekirî de malimîye kerde. Nika cayê şînê ey camîya Peyasî de yo.

Na aşma bimbareke de Homa tekrar ey bi rehma xo şa bikero, cayê ey cenet bo.