Leşkerê Yekpareyîya Tirkîya: Hesîb Kaplan

Goreyo ke keyepelê rojnameyê Starî ewro nuseno (*), parlementerê DBP yê Şirnexî Hesîb Kaplan gama ke seba organîzekerdişê partîya xo şîyo Antalya, uca yew kombîyayîşê çapemenîye viraşto.

Parlamenterê BDP yê Şirnexî Hesîb Kaplanî kombîyayîşê xo yê çapemenîye de dayo zanayene ke do referandumê vurnayîşê tayê madeyanê qanûnê bingehînî ke roja 12ê êlule de beno boykot bikê. Hesîb Kaplanî vato “Referandum de raya 'erê' yan zî 'ney'î dayîş temenê qanûnê bingehînî yê 12ê êlule derg keno.”

Kombîyayîşê çapemenîye de gama ke rojnamegeran qalê munaqeşeyê babeta “Pîya ciwîyayîşê tirkan û kurdan” ke hewteyo verên rojevê Tirkîya de bi kerdo, Hesîb Kaplanî wina vato: “Vatişê ‘Tirkîya de wa kurdî bişênê cîyabîyayîşî zî qisey bikê’ tarîxê ma yê hezar serran rê, şehîdanê ma yê ke Çanaqele de têkîşte de rakewte yê rê bêhurmetî yo. No fikrêko hende tehlukeyin o ke ez eynî sey tesewuranê jenosîdîye yê Hîtlerî vînena. Tirkîya de eke çîyêk ke nêro munaqeşe kerdene estbo, o zî yekpareyî û yewîyîya nê welatî yo.”

__________

(*) http://www.stargazete.com/politika/turkiye-nin-butunlugu-tartisilmaz-haber-276907.htm