zazaki.net
23 Oktobre 2017 Dişeme
Girdîya Karakteran : 12 Punto 14 Punto 16 Punto 18 Punto
10 Hezîrane 2010 Panşeme 08:39

Kurdîstanê Başûrî Bendawan Virazeno

[Xebere]
Zazakî.NET

Goreyê ke keyepelê PUKmedia dano zanayene, îdarekerdoxê umûmî yê bendaw û embaranê awe yê wezaretê zîretî û çimeyanê awe yê Kurdîstanê Başûrî Ekrem Ehmedî beynatanê xo yê çapemenîye de dayo zanayene ke do Kurdîstanê Başûrî de des bendawî bêrê viraştene. Ekrem Ehmed dano zanayene, çarçewaya bendawanê ke Kurdîstanê Başûrî de virazîyenê de do hîrê bendawî mîyanê sînorê wîlayetê Silêmanîye de, panc bendawî mîyanê sînorê wîlayetê Hewlêrî de û di bendawî zî mîyanê sînorê wîlayetê Duhokî de bêrê viraştene. Seba hîrê bendawanê derûdorê Silêmanîye 50 mîlyar dînar ameyo abirnayene. Bi nê her hîrê bendawanê Silêmanîye do 40 mîlyon m3 awe bêro kom kerdene.

Îdarekerdoxê awdane û awa sererdî ya Germîyanî Şêrko Mehemedî zî dayo zanayene ke çarçewaya viraştişê bendawanê Kurdîstanê Başûrî de qerar ameyo girewtene ke şeş bendawî zî mîyanê sînorê îdareyê Germîyanî de bêrê viraştene. Îdareyê Germîyanî nika ra lebitîyeno ke seba awankerdişê nê bendawan projeyan virazo û dima zî do seba viraştişî butçe amade bikero.

Na xebere 1407 rey wanîyaya
No nuşte hema şîrove nêbîyo.