zazaki.net
22 Oktobre 2017 Yewşeme
Girdîya Karakteran : 12 Punto 14 Punto 16 Punto 18 Punto
09 Temmuze 2010 Îne 09:53

Kurdkî Dekewte Menuyê CCleanerî

Xebere:
Zazakî.NET

Kurdkî dekewte menuyê programê CCleanerî yê Windowsî.

Programê CCleaner ke nameyê ey o tam Crap Cleaner o û hetê şîrketê Piriformî ra virazîyêno, ame newe kerdene. Mîyanê îlaweyanê neweyan ke ro programê CCleaner zêde bîyê de tercumeyê hîna holî û kurdkî zî esta. Gama ke merdim programî ro komputera xo bar bikero, bi lehçeya kurmanckî îstîqamet nîşan dîyeno labelê badê ke kar temam beno program bi alfabeya erebkî û bi lehçeya soranî ya kurdkî yeno şuxulnayene.

Programê CCleaner ke bêpere xizmet keno û cîhan de bi se mîlyonan şuxulnayoxê ey estê, komputere de dosya, çerez (cookie) û malumatanê bêkêran pak keno, suret û şuxulnayîşê komputere vêşî keno. Nînan ra teber, no program, problemê ke defterê qeydî de virazîyênê zî hel keno.

Na xebere 1390 rey wanîyaya
No nuşte hema şîrove nêbîyo.