zazaki.net
20 Tebaxe 2017 Yewşeme
Girdîya Karakteran : 12 Punto 14 Punto 16 Punto 18 Punto
01 Kanûne 2010 Çarşeme 10:09

Kurdê Feylî Wezaretêk Wazenê

Xebere: Zazakî.Net

Kurdê feylî ke mîyanê sînorê dewleta Îraqî de ciwîyênê Nûrî el-Malikî ra dewayê wezaretêk kenê.

Partîya tewr girde ya kurdanê feylîyan Yewîyîya Kurdanê Feylîyan ya Demokratîke Nûrî el-Malikî ke seba ronayîşê hukmatê neweyî sey serekwezîr ameyo wezîfedar kerdene ra waşt ke êdî fek kotaya mewcude ra verado û hukmatê neweyî de wezaretêk bido înan.

Îraq de serra 1980 de zilmêko gird ro kurdanê feylîyan bi. Ca û warê xo ra ameyî teber kerdene, mal û milkê înan destê înan ra ame girewtene û mîyanê ereban de ame pare kerdene. Bi hezaran keyeyî ameyî qir kerdene. 

Dima gama ke rejîmê faşîstê Beasî vera kurdanê corî operasyonê Enfalî da dest pêkerdene, kurdê feylî zî nê qetlîamî de amey qir kerdene.

Goreyê reqemanê Wezaretê Koç û Koçberîye, 132.486 kurdê feylî bi darê zorî ca û warê xo ra amey vetene. Badê rijîyayîşê rejîmê Sedamî nînan ra 11.186 kesî ancî agêrayê cayê xo. Înanê ke agêray ra zî tena 5 hezarî şênay bibê welatîyê Îraqî.

Çîyo ecêb no yo ke partîyê Kurdîstanê Başurî çira piştgirîya kurdanê feylîyan nêkenê? Çi semed ra mîyanê heme kurdanê ke mîyanê sînoranê dewleta Îraqî de ciwîyenê de yew îttîfaq nêvirazîyeno?

Na xebere 1517 rey wanîyaya
No nuşte hema şîrove nêbîyo.