zazaki.net
20 Tebaxe 2017 Yewşeme
Girdîya Karakteran : 12 Punto 14 Punto 16 Punto 18 Punto
20 Nîsane 2010 Sêşeme 08:21

Konferansa sîyasetvananê kurdanê Kurdîstanê Rojhelatî

[Xebere]
Zazakî.NET

Partîyê kurdan yê Kurdîstanê Rojhelatî roja 14.04.2010 de paytextê Kurdîstanê Başûrî Hewlêr de bi sernameyê “Vurîyayîşanê Îranî de îstîqbalê meselaya kurdan” yew konferansa ke di rojî dewam kerde viraşte.

Goreyê malumatê ke keyepelê AKnewsî dano, Kurdîstanê Rojhelatî ra gelek sîyasetvanê kurdan beşdarê konferanse bîyê. Babetê sey bîyayîşê ke badê weçînayîşê serekkomarê Îranî qewimîyayê û yewbîyayîşê xîtabetê partîyanê sîyasîyan yê Kurdîstanê Rojhelatî konferanse de munaqeşe bîyê. Beşdaranê konferanse dayo zanayîş, seba ke xîtabê kurdan bibo yew konferanse de zemînêko musbet yê dîyalogî virazîyayo.

Cagirewtoxê serekê Partîya Azadîya Kurdîstanî Huseyn Yezdanpenah, sekreterê pêroyî yê Partîya Demokrate ya Kurdîstanê Îranî Mistefa Hicrî, karbidestanê Komela Zehmetkêşanê Şorişgeran yê Kurdîstanê Îranî ra Mehemed Şafiî zî beşdarê konferanse bîyê.

Cagirewtoxê serekê Partîya Azadîya Kurdîstanî Huseyn Yezdanpenahî beyanatê xo de va, “Bi amancê ke ma hemkarîya mîyanê partîyanê kurdanê Îranî de xurt bikerin û vera îqtîdarê Îranî de xîtabêko yewbîyaye yê kurdan pêbîyarin, ma na konferanse organîze kerde. Konferanse de, bîyayîşê ke badê weçînayîşê serekkomarê Îranî de qewimîyayê zî tede, ma gelek babetê muhîmî munaqeşe kerdîy.”

Na xebere 1224 rey wanîyaya
No nuşte hema şîrove nêbîyo.