Komîsyonê Zanayanê Dînî Şîîre Qedexe Kerde

Komîsyonê Zanayanê Dînê Îslamî ke çarçewaya parlamentoyê Kurdîstanê Başûrî de fealîyet keno seba ke yew şîîre de xîtabê Homayî beno qerar girewto kitabo ke şîîre tede esta bêro arêdayene.

Qerarê dîndaran de yeno vatene ke “nameyê Homayî sey termêkê edebî ameyo şuxulnayene”, coka kitabê şaîr Qubat Celîzadeyî “Sityanî Befr Pir e le Rîşole (Sityanê Vewre Pirr Reşêle yê)” arê dayo û wazenê weşanxaneyo ke kitab çap kerdo zî bêro padayene.

Berpirsîyarê komîsyonê Zanayanê Dînê Îslamî yê Kurdîstanê Başûrî Mela Cafer Guwanî deheqê nê qerarî û na babate de wina va: “No demeyêk o ke mîyanê melayan û yew-di nuştox û rojnamegeran de bineyke gengeşe esto. Seba ke no gengeşe zêde nêbo ganî no kitab nêro vila kerdene. Seke îdîa beno ma melayî vera azadîya fikrî de nîyê.”

Heto bîn ra berpirsê weşanxaneyê Arasî Bedran Hebîbî ke no kitab çap kerdo zî va: “Arêdayîşê nê kitabî û na babete de mudaxeleyê melayan û komîsyonê parlamentoyî yê Zanayanê Dînê Îslamî yeno na mana ke ê vernî ro azadîye gênê.” Bedran Hebîbî va: “Ma qerarê komîsyonê dîndaran ra zaf aciz bîy, zaf çîyêko ecêb o ke no komîsyon herinda hukmatî de qerar gêno û tetbîq keno."

Nameyê şîîra ke bîya sedemê arêdayîşî kitabî “Xwa Deyewêt Pişû Bidat” o. Şaîr Qubat Celîzade vano: “Nameyê şîîre de mi metnêkê Tewratî ra îstîfade kerd. Wa melayî şirê Tewrat ra biewnîyê. Ez veng dana hukmatî û serekê parlamentoyê Kurdîstanî ke wa nêverdê melayî destê xo bikerê mîyanê kultur û edebîyatî.”

Şîîra ke behsê aye beno wina ya:

“Xuda deyewêt pişû bidat

Xuda hîlak buwe

Xuda le ser kepirêk pal kewtuwe, le reşereyhane

Xuda şimşêrekey betenîşt xoyewe, dirêj kirduwe

Xuda pêxemberekanî îzn da

Be frîştekanî gut: biron şû biken!

Xuda hez dekat bixewêt

Xuda bawêşk dedat

Xuda friyaî perandinî ew daristane deste nakewêt!

Destêk beqj, pepûle radekêşê, bolaqekirdin

Destêk bebîne qaqay jinewe