zazaki.net
24 Tebaxe 2017 Panşeme
Girdîya Karakteran : 12 Punto 14 Punto 16 Punto 18 Punto
08 Kanûne 2010 Çarşeme 21:04

Kombîyayîşê Asayî yê Ziwan-Komî

Xebere: Pîranij

Çarê kanûna serra 2010î de xeylê kesê welatperwer û heskerdoxê lehçeya kirdkî, seba munaqeşekerdişê armanc û rayîr û rêbazê pêroyî yê “Komela Ziwan, Huner û Kulturî (ZIWAN-KOM)”î, Galerîya Amedî de salona Odaya Muhasiban ya Dîyarbekirî de kombîyayîşê xo yê asayî saz kerd.

Badê yewbînanşinasnayîşê endaman bi qalîkerdişê birêz mamosta Roşan Lezgînî dest bi guftogoyî ame kerdene.

Sazkerdoxanê komele ra, mamosta Lezgînî va: “Armanco tewr muhîm yê na komele, tena aver berdena lehçeya kirdkî û ciwînayîşê huner û kulturê ma kirdan o.

ZIWAN-KOM, sey heme komelanê hunerîyan yê kurdan, heta ke ci ra bêra do xo nîqaşanê sîyasîyan ra bipawa, komelanê bînan yê kurdan reyde îrtîbatêko dostane yo hêzdar awan bikera û bida berdewam kerdene, di warê hunerî de, înan ra îsîfade bikera û di mesela pawitena menfeetê neteweyî yê şarê Kurdistanî de hesas têbigêra.”

Derheqê xebata komele de Roşan Lezgînî qiseykerdişê xo wina da berdewam kerdene: “Eke bi mi bo, ez wazena ma bi çapkerdişê kitabê yewin yê kirdkî ke serra 1899 de hetê kurdperwerê namdarê rehmetî seydayê Xasî ra bi lehçeya kirdkî ameyo nuştene, dest bi xebata xo bikerî.

Reyna na çarçewa de, kursê banderkerdişê lehçeya kirdkî biakerî, kayanê şanoyê kirdkî  organîze bikerî, deyran û lawikanê gelêrîyan newe ra biancê pêser û bidî ciwînayene ûbn.”

Eya, nê qiseykerdişê kilm yê Roşan Lezgînî ra pey, serekê komele û sazkerdoxanê aye ra yew, birêz avuqat Bîlal Nêribijî zî îşaretê çend nuqtanê muhîman kerd û rolê komele berz erjna.

Ancîna, sazkerdoxanê komele ra Seîd Bazbendij û Ehmed Dirihî, her yewî, baredê xo ra, xebata komele ser o biney qisey kerd û rolê xo yê şexsî yê mîyanê komele de ard ziwan.

Qalîkerdişê nê çar embazan ra pey, beşdarbîyayan ra kamî ke waşt, fikr û teklîfê xo îfade kerd û sazkerdişê komeleyêka inasarêne silam kerd.

Badê cû, bi dîyar kerdena tarîxê kongreya pêroyê ya komele, peynî bi kombîyayîşî ame.

Na xebere 1931 rey wanîyaya
ŞÎROVEYÎ
darkutik
darkutik
Selam şima ra. Ez semed kedeyê şima ra teşekkûr keno. Ez merak keno ke kursî zazakî çî wext aken o. Ez wazeno ke ez bêro kurs û zazakî bîmuso. ay ra pey fayda bêdo şarê zazayan.
e-mail: darkutik@hotmail.com
13 Kanûne 2010 Dişeme 22:33
bimbarikbo
bimbarikbo
... bextiyar bibo şima ...
09 Kanûne 2010 Panşeme 16:48
Bi xêr bo!
cemal
wexta ke mi no xeberî wend ez hendê pê şa bîya ke hesir mi çiman ra amê war..No qedê dezgehî ma kirdan re hewce bi..ma şima û diyarbekîr ra dûrî yê labelê do çi destî ma ra biyero ma do bikerî..Ez êynan ke no xebatî de kedê yin esto, zerrî ra tebrîq kena û şimarî re serkewtin wazena..
08 Kanûne 2010 Çarşeme 22:00