zazaki.net
17 Teşrîne 2017 Îne
Girdîya Karakteran : 12 Punto 14 Punto 16 Punto 18 Punto
05 Kanûne 2010 Yewşeme 09:07

Kokimê Dîyarbekirî Tirêze Kaykenê

Xebere: Zazakî.Net

Dîyarbekir de kayê dameyî zaf menşûr o. Hema vajêne ke Dîyarbekir û dorûverê ey de her camêrd zano dame kay bikero. Dame bi 32 kerran yeno kay kerdene, her kaykerdox 16 kerrayê xo estê.

Dame zî yew çeşîdê setrencî yo la qasê setrencî têmîyanek nîyo, bineyna sade yo. Heta ke tayê miletî seba dameyî vanê “setrencê kurdan”. Feqet kayê tirêze (newekî) sadetir o. Nê kayî rê tena zekayêka sivike lazim a.

Labelê kayê tirêze (newekî) zî qasê dameyî menşûr o. Dîyarbekir de zafê kokiman, bitaybetî kirdê şarê koyan tirêze kay kenê. Çunke tirêze kayêko hîna pratîk o, zaf derg nêrameno.

Kokimê kirdî yê Dîyarbekirî badê nimajê êreyî parkan de yenê têhet û hetanî nêzdîyê şanî, tirêze kay kenê. Bi no qayde hem xem û xeyalan ra kewenê dûrî hem zî mezgê înan zinde maneno.

Na xebere 1627 rey wanîyaya
ŞÎROVEYÎ
newnewik
bongilanij
Hetê ma Bongilan de zî kay beno, ê verînî zaf hol kay kerdênî. Cayê ma de no kay ra vanê "newnewik", setrenc ra zî vanî "kişik", yewna kay bibi ey ra zî vanê "hîrhîrik". Yeno mi vîr ma pê fasilyayan û neheyan pê qojan pê xîçê kerrayan kay kerdenê, ez qij bîya ê girdî qey xîçan ma şawitenê teber, fekê berî, ma xîçanê sîyayan û sipîyan arî dayênê. Hey gidî hey o çax çi weşbi...
05 Kanûne 2010 Yewşeme 12:35