zazaki.net
26 Temmuze 2017 Çarşeme
Girdîya Karakteran : 12 Punto 14 Punto 16 Punto 18 Punto
30 Gulane 2017 Sêşeme 13:58

Hûmara 99. ya Newepelî Vejîya

Nuştoxê neweyî yê ena hûmare Dr. Daîmî Cengiz, Hebûn Okçu û Welat Ramînazad ê.

Hûmara 99. ya rojnameyê Newepelî vejîya. Ena hûmare de Hebûn Okçuyî derheqê kitabê ey "Di Kitabê Muhemmedê Şêx Ensarî: 'Raro Raşt' û 'Meʿlûmatê Dînîye' (Metn û Cigêrayîş)" de Bîlal Zîlanî dir yew roportaj kerdo. Bîlal hem derheqê kitabî de hem derheqê xebata xwu ya nuştekî û rewşa kirdkî de melumatanê muhîman dano.

Edîtor nuşteyê xwu de behsê edetanê ma yê veyweyî keno. Îdrîs Yazarî mintiqaya Mîyaranî ra ancî yew meselaya muhîme arêdaya. Abdurehman Önenî Çemê Xarçîge dayo şinasnayiş. Necîbe Kirmizigul yew hîkaye nuşta, Sedef Kandemir kitabê hîkayeyan yê Alî Aydin Çîçekî "Lêl"î ser o nuşto. Wesîle Doguç yew mesela arêdaya, Yekta Halîme Karli tarîfê werdî û Huseyîn Çakanî zî tarîfê viraştişê herişî nuşto.

Dr. Daîmî Cengizî mintiqaya Dêrsimî ra yew deyîra tarîxî arêdaya. Mehmed Emenî zî yew deyîre û meselaya ci arêdaya. Mesûd Aslanî yew efsane, Bîlal Yakişanî yew mesela arêdaya.

Welat Ramînazadî yew şîîra Rojen Barnasî kurmanckî ra tadaya, Mihanî Licokic, Canê Dilo û Hesen Alkişî zî şîîrî nuştê.

Nînan ra teber xeberî, xaçepers, nameyê nebatan û ferhengek rojnameyî temam kenê.

Nuştoxê neweyî yê ena hûmare Dr. Daîmî Cengiz, Hebûn Okçu û Welat Ramînazad ê.

Na xebere 1307 rey wanîyaya
No nuşte hema şîrove nêbîyo.