zazaki.net
19 Adare 2024 Sêşeme
Girdîya Karakteran : 12 Punto 14 Punto 16 Punto 18 Punto
29 Nîsane 2017 Şeme 19:06

Hûmara 98. ya Newepelî Vejîya

Nuştoxanê na hûmare ra Serhêvîdar û Cevat Yilmaz reya verên a ke nusenê, Yekta Halîme Karli zî reya verên a ke Newepel de nusena.

Hûmara 98. ya rojnameyê Newepelî vejîya.

Na hûmare de Aydin Baturî derheqê tesîsanê qeyaxî yê mintiqaya Çewlîgî de, Abdurehman Önenî derheqê Çemê Munzurî de û Huseyîn Çakanî zî derheqê viraştişê vînceyê kengeran de nuşto.

Sedef Kandemir bi yew hîkaye, Mela Ehmedê Palo, Mihanî Licokic, Roşan Lezgîn, Serhêvîdar û Cevat Yilmazî zî bi şîîranê xwu rojname xemilnayo. Yekta Halîme Karli bi tarîfê werdî, Newal Nupel zî bi yew nuşte rojname de ca girewto.

Henîfî Aydinî mintiqaya Pîranî ra yew deyîre, Alî Aydin Çîçekî zî mintiqaya Licê ra yew sanike arêdaya. Ebdulqadir Necaranij, Mehmed Emen û Harûn Bozkurtî zî meselayî arêdayê. Meselaya "Bûz Begê Kemalûn û Xûna Dêrûn" ke Îdrîs Yazarî mintiqaya Mîyaranî ra arêdaya bi qismê hîrêyin na hûmare de zî dewam kena. Şaynebî Laçînî mintiqaya Gêlî ra mamikî arêdayê. Ehmedê Dirihî xebata xwu ya nameyê nebatan dewam kerda.

Nînan ra teber xeberî, nuşteyê edîtorî, xaçepers û ferhengek rojnameyî temam kenê.

Nuştoxanê na hûmare ra Serhêvîdar û Cevat Yilmaz reya verên a ke nusenê, Yekta Halîme Karli zî reya verên a ke Newepel de nusena.

Na xebere 7914 rey wanîyaya
No nuşte hema şîrove nêbîyo.