zazaki.net
24 Gulane 2017 Çarşeme
Girdîya Karakteran : 12 Punto 14 Punto 16 Punto 18 Punto
22 Sibate 2017 Çarşeme 09:58

Hûmara 96. ya Newepelî Vejîya

Nuştoxanê na hûmare ra Sedef Kandemir, Newal Nupel, Ferîd Îbrahîm Sevinç û Meral Güntaş reya verên a ke Newepel de dest bi nuştişê kirdkî kenê.

Hûmara 96. ya Newepelî bi muhtewayêka dewlemende vejîya. Bi na hûmare rojnameyê yewin yê safî bi kirdkî Newepelî şeş serrê xwu temam kerdî.

Na hûmare de Hesen Polatî derheqê Necmedîn Buyukkayayî de nuşto. Aydin Baturî mintiqaya Çewlîgî ra di koyî dayê şinasnayiş. Sedef Kandemir bi yew nuşte û Ümran Düşünsel zî bi yew hîkaye rojname de ca girewto. Newal Nupel Danîmarka de yew komela kurdan ser o û Ferîd Îbrahîm Sevinçî Kitabxaneyê Kongres yê Amerîka ser o nuşto.

Îdrîs Yazarî mintiqaya Mîyaran ra meselaya "Bûz Begê Kemalûn û Xana Dêrûn" arêdaya ke mesela do hûmaranê bînan de zî dewam bikero. Îrfan Sîmserkîsijî fekê Hecî Ehmedê Dêsminî ra yew qesîdeya ke Şêx Silhedînî ser o vajîyaya arêdaya. Meral Güntaş fekê Silê Qicî ra yew deyîre arêdaya. Mesûd Aslanî yew sanike, Bîlal Yakişan, Wesîle Doğuç û Ebdulqadir Necaranijî her yewî yew mesela, Necîbe Kirmizigul zî Sêwregi ra mamikî arêdayê. Mihanî Licokic, Roşan Lezgîn, Mehmed Emen û Abdulah Yakişanî zî bi şîîranê xwu na hûmara rojnameyî xemilnaya.

Nînan ra teber, nuşteyê edîtorî, çend xeberê muhîmî, tarîfê werdî, xaçepers, nameyê nebatan û ferhengek rojnameyî temam kenê.

Nuştoxanê na hûmare ra Sedef Kandemir, Newal Nupel, Ferîd Îbrahîm Sevinç û Meral Güntaş reya verên a ke Newepel de dest bi nuştişê kirdkî kenê.

Na xebere 2390 rey wanîyaya
No nuşte hema şîrove nêbîyo.