zazaki.net
27 Hezîrane 2017 Sêşeme
Girdîya Karakteran : 12 Punto 14 Punto 16 Punto 18 Punto
28 Kanûne 2016 Çarşeme 09:16

Hûmara 94. ya Newepelî Vejîya

Nuştoxanê na hûmare ra Medîne Bakir û Mizgîn Kulata reya verên a ke nusenê.

Hûmara 94. ya rojnameyê Newepelî bi muhtewayêka dewlemende vejîya.

Roportajê na hûmare Kafur Seçilmekî Qadir Büyükkayî dir kerdo. Qadir Büyükkaya derheqê xebatanê xwu de melumat dano û seba ciwînayişê ziwanî fikrê xwu îfade keno. Qadir Büyükkaya vano "Ne asîmîlasyon, ne zor, ne yasax, ne qedexe, çîyê vero mane nîyo. Tena eger şuûrê mîllî xurt bo. Kilîtê ziwanî şuûrê mîllî yo. Eger xurt bo, qelpey çinê bo, nê hal benê."

Edîtor nuşteyê xwu de behsê mucadeleyê mîlî yê kurdan keno, vano "Zaf normal o ke mîyanê yew miletî de gelêk partîyê sîyasî estbê. Xwura mumkin nîyo û rast zî nîyo ke hemeyê miletî seke torna ra bivîyaro, bibo 'yew' çî. Çîyo muhîm no yo ke partî, grûb û ferdê miletêk erjê xwu yê mîlî ser o pê bikerê û seba berjewendîyê neteweya xwu 'pîya' hereket bikerê. Pîyabîyayîş yewbîyayîşî ra maqulêr o."

Mihemed Emînê Kafan nuşteyê xwu yê bi sernameyê "Folklorê Ma û Xebata Rojnameyê Newepelî" de behsê muhîmîya folklorî keno û bi îstatîstîk nîşan dano ke heta nika Newepel de çiqas eserê foklorîkî weşanîyayê. Cemsî Kaya nuşteyê xwu yê bi sernameyê "Kişîyayîşê Îsmaîl Axayê Ferhadan" de behsê meselayanê tarîxê nêzdî yê Dêrsimî keno.

Aydin Baturî mintiqaya Çewlîgî ra "Gola Bizrigan" daya şinasnayiş. Harûn Bozkurtî hete beledîyeyan ra xelet bikarardişê kurdkî (kirdkî û kirdaskî) ser o nuşto. Qutbedîn Nurlubaşî yew nuşteyo kilmek, Hesen Alkişî zî yew şîîre nuşta.

Medîne Bakir yew nuşte nuşto. Mizgîn Kulata yew sanike arêdaya. Wesîle Doğuç, Mistefa Gomayij û Îsmet Borî fiqrayî nuştê, Ebdulqadir Necaranijî yew mesela arêdaya. Murad Canşadî yew kaya tutan arêdaya. Huseyîn Çakanî zî tarîfê yew werdê ma nuşto. Nînan ra teber, xeberî, ferhengek, nameyê nebatan û xaçepers rojname de estê.

Nuştoxanê na hûmare ra Medîne Bakir û Mizgîn Kulata reya verên a ke nusenê.

Na xebere 2070 rey wanîyaya
No nuşte hema şîrove nêbîyo.