zazaki.net
27 Gulane 2017 Şeme
Girdîya Karakteran : 12 Punto 14 Punto 16 Punto 18 Punto
18 Nîsane 2016 Dişeme 01:57

Hûmara 86. ya Newepelî Vejîya

Nuştoxanê na hûmare ra mamosta Kewe Akbudak û Mehmed Emen reya verên a ke nusenê.

Hûmara 86. ya rojnameyê Newepelî ancî bi muhtewayêka dewlemende vejîya.

Nuşteyê edîtorî yê rojnameyî de behsê wêrankerdişê bajaranê ma beno. Edîtor vano "Dewlete rijnayîşê bajaranê kurdan de hîna zaf şerêko psîkolojîk kerd. Yanî her kesî dî ke amancê dewlete tena berterefkerdişê çekdaran, îmhakerdişê xendeqan û wêrankerdişê bajaran nîyo, esas wazena kurdan sey milet tehqîr bikero. Hêzanê dewlete bi her kerdişê xwu şeref û heysîyetê kurdîtîye şikit. Mesela, zafê cayan de behsê 'türkün gücü' kerd û sloganê sey 'Türksen övün, değilsen itaat et!' yan zî 'Ders sırası bizde. Konu: İtaat!' nuşt."

Roportajê na hûmare Alî Aydin Çîçekî mamosta Daîmî Doganî dir kerdo. Mamosta Daîmî Dogan behsê rewşa kirmancanê Erzinganî keno û vano "Cêncê ma omedîya ma yê. Çi heyf ke eleqeyê cêncanê ma bi zonê xo jêde nîyo. No hal helbet sucê înan nîyo. Çimke weşîya xo ebe tirkî ramenê. Mektebanê zorbayan ra tirkî musenê. Yanî vera asîmîlasyonê dewlete de jêde ê maruz manenê. Hama oncîya kî omid esto. Nê serranê peyênan de qet nêbo kitaban cênê, wanenê. Gos danê kilaman/lawikan ser. Tayê endî silayîyanê veyvanê xo bîle kirmanckî nusenê."

Murad Canşadî bi sernameyê "Tewrat", Aydin Baturî bi sernameyê "Mintiqaya Ziktê" nuşte nuşto. Mamosta Kewe Akbudak yew hîkaye nuşta, mamosta Îsmaîl Guvenî yew hîkayeya Anton Çexovî tercume kerda. Hacer Petekkaya, Mehmed Emen û Semavî Aldemirî bi şîîranê xwu rojname xemilnayo. Mamosta Mistefa Gomayij, ancî mamosta Harûn Bozkurtî her yewî yew sanike arêdaya. Necîbe Kirmizgul werdê ma, Ehmedê Dirihî nameyê nebatan nuştê. Nînan ra teber xeberê muhîmî, xaçepers û ferhengek rojname de ca gênê.

Nuştoxanê na hûmare ra mamosta Kewe Akbudak û Mehmed Emen reya verên a ke nusenê.

Na xebere 2761 rey wanîyaya
No nuşte hema şîrove nêbîyo.