zazaki.net
28 Sibate 2017 Sêşeme
Girdîya Karakteran : 12 Punto 14 Punto 16 Punto 18 Punto
22 Adare 2016 Sêşeme 19:50

Hûmara 85. ya Newepelî Vejîya

Xebere: Zazakî.Net

Hûmara 85. ya rojnameyê Newepelî vejîya.

Roportajê na hûmare serekê şaxa Kurdî-Derê Çewlîgî M. Henefî Gürdeğirî dir bîyo. Mehmed Henefî, derheqê kursê ziwanî ke parî ra nat şaxa Kurdî-Derê Çewlîgî de dîyenê, ancî Çewlîg de derheqê eleqeyê seba kirdkî û rewşa qiseykerdişê ziwanî de melumatan dano, fikr û pêşnîyazanê xwu vano.

Murad Canşad derheqê nêrkî û makîyîya çekuyanê kirdkî de yew nuşte nuşto. Hesê Belê goreyê referansanê dînî ra derheqê qîymetê cînîyan de yew nuşte nuşto. Ehmedê Dirihî zî serranê 1980an ra yew xatiraya xwu û Wesîle Doğuç zî yew mesela nuşta.

Murad Murxanî yew hîkayeya kilmeke, Harûn Bozkurt, Adir Dêrsimij, Rêzan Rezdar, Muhamed Deza Batur, Hesen Rûsipî, Fîruzan Demir û Faysal Bozkurtî şîîrî nuştê.

Ebdulqadir Necaranij, M. Emîn Kaçan, Mihanî Licokic û Îsmet Borî zî meselayî û fiqrayî nuştê. Necla Bahadir yew mamike, Cemal Azijî zî yew deyîre arêdaya. Necîbe Kirimizigul werdê ma nuştê, Ehmedê Dirihî nameyê nebatan dewam kerdê. Sewbîna zî xeberî, nuşteyê edîtorî, xaçepers û ferhengek rojname de ca gênê.

Nuştoxanê na hûmare ra Harûn Bozkurt, Necla Bahadir û Rêzan Rezdar reya verên a ke nusenê.

Na xebere 1920 rey wanîyaya
No nuşte hema şîrove nêbîyo.