zazaki.net
28 Adare 2024 Panşeme
Girdîya Karakteran : 12 Punto 14 Punto 16 Punto 18 Punto
19 Teşrîne 2015 Panşeme 22:27

Hûmara 81. ya Newepelî Vejîya

Xebere: Zazakî.Net

Hûmara 81. ya rojnameyê safî bi kirdkî yê ewilînî Newepelî bi muhtewayêka dewlemende vejîya.

Nuşteyê edîtorî yê na hûmare de behsê kulturê xebate beno. Edîtor nuşteyê xwu de vano "Verê cû, betalîye eyb bî. Wazenê wa tut bo yan pîl, qet ferq nêkeno, merdimo betal, bêkar û bêgure merdiman ra hesab nêbîyêne; seke heram û necis bo, kesî selam nêdayne ci."

Roportajê na hûmare A. Aydin Çîçekî grûba muzîkî "Zê Tîje" ra Alî Doğanî dir kerdo. Alî roportaj de behsê grûbe keno û vano "Yanî tîje ma de bimbarek a, ma tim rûyê xo çarnenîme tîje û kelê xo aye ra birnenîme. Ma tîje nêbenîme teyna parçe tîje benîme. Kulturê ma de, cayê tîje mûhîm o. Tabî tîje teyna ma elewîyan de nê, êzîdîyan de, zerduştîyan de û felsefeya Rojawanî de jî cayêde muhîn cêna."

Nuşteyê na hûmare Şukran Arca, Necîbe Kırmızıgül, Nurullah Sarıcanlı, Huseyîn Karakaş, Ehmedê Dirihî, M. Emîn Kaçan û Mucahîd Dervişoğluyî nuştê.

Mistefa Gomayijî ancî mintiqaya Mîyaranî ra yew sanike arêdaya, Nadîre Güntaş Aldatmaz, Wesîle Doğuç, Cemal Azij, Ebdulqadir Necaranij û Murad Murxanî meselayî arêdayê. Mujdat Gizligölî zî yew mamike arêdaya.

Şîîrê na hûmare zî yê Roşan Lezgîn, Alî Şeker, Starê Xelan û Şaynebî Laçînî yê.

Nînan ra teber, ancî xeberî, xaçepers, ferhengek, tarîfê werdî û nameyê nebatan rojname de ca gênê.  

Na xebere 4911 rey wanîyaya
No nuşte hema şîrove nêbîyo.